Abşeron rayonunun Xırdalan şəhərində yerləşən Heydər Əliyev adına mədəniyyət və istirahət parkı günü-gündən gül-çiçəyə qərq olur. Şəhərin havasının saf qalmasında, yay mövsümündə sərinləməkdə müstəsna rol oynayan park şəhər sakinlərinin və qonaqların sevimli istirahət yerinə çevrilib. Burada parkın əməkdaşları səliqə-səhmanın, yaşıllığın qorunması üçün var qüvvələri ilə çalışırlar.
Rayon İcra Hakimiyyətinin nəzaratətində olan parkda vaxtaşırı ağaçların dibi şumlanır, suvarılması təmin edilir. Məlumat üçün bildirək ki, son bir ayda 10 mindən çox yeni mövsümü ağaç və gül kolları əkilib, mövcud yaşıllıqlar isə davamlı diqqət mərkəzində saxlanılıb. Bütün bunlarla yanaşı parkda yeni oturacaqlar və zibil qablarıda quraşdırılıb.
Ərazisi 12 ha olan parkda inşa edilən fəvvarələr estetik gözəlliyi ilə zövq oxşayır. Burada oyun və idman meydançaları, uşaq guşəsi, sinema-kafe və digər istirahət obyektləri fəaliyyət göstərir. Sakinlərin və qonaqların səmərəli istirahəti üçün vaxtaşırı konsert proqramları təşkil edilir.
Şamo Əliyev