Şənini vəsf etməyə yetər, qüdrətim yetər,
Ulduzunu, ayını göydə mələklər öpər,
Hər rəngində “ya qazı, ya şəhid” bir mən bitər,
Sən ey İstiqlalımın əbədiyyət sancağı, –
Azərbaycan bayrağı !
Azərbaycan Respublikasının Dövlət Bayrağı hər bir azərbaycanlının qürur mənbəyidir!Cənab Prezident İlham Əliyevin qərarı nəticəsində qürur günümüz olan Dövlət Bayraq Günü xüsusi bayram günü olaraq qeyd olunmağa başlanıldı.
Abşeron rayonunda da Dövlət Bayraq Günü hər il olduğu kimi bu ildə böyük çoşğu ilə qeyd olunur.Bu il isə Abşeronda Dövlət Bayraq Günü qeyd olunması xüsusi olaraq möhtəşəmliyi ilə seciləcək.Rayon rəhbəri cənab Zakir Fərəcovun diqqət və qayğısı sayəsində bu gün Abşeron rayonunda,Heydər Əliyev adına parkda dirəyinin hündürlüyü 65 metr olan ,möhtşəmliyi ilə göz oxşayan Bayraq Meydanı inşa edilib. Burada müxtəlif videogörüntülərin nümayiş etdirilməsi üçün böyük monitor da quraşdırılıb. Bütün bunlar Azərbaycan Xalq Cümhuriyyətinin yadigarı olan, bu gün müstəqil ölkəmizin başı üzərində dalğalanan üçrəngli, ay-ulduzlu bayrağımıza dövlət səviyyəsində olan ehtiramın göstəricisidir. Təsadüfi deyil ki, indi hər bir azərbaycanlı dövlət bayrağını özünün qürur mənbəyi hesab edir. Dövlət atributlarına xüsusi ehtiramla yanaşan Prezident İlham Əliyev bu məsələdə hər zaman həssas münasibəti ilə seçilib. Odur ki, paytaxtla yanaşı, bölgələrimizdə də Bayraq meydanları salınıb. Abşeron rayonundakı Bayraq Meydanı da öz möhtəşəmliyi ilə diqqəti cəlb edir.
9 noyabr - Bayraq Günü münasibətilə Abşeron gəncləri Abşeron rayon YAP Gənclər Birliyinin təşəbbüsü ilə Heydər Əliyev adına Parkda "Bayraq günü" münasibətilə flaşmob təşkil edib və həmin vaxt parkda olan bütün insanlara Azərbaycan bayrağı hədiyyə etdilər.
Flaşmob Xırdalan şəhərinin Bayraq meydanından başlayıb və Heydər Əliyev Parkında və Rayon icra hakimiyyətinin qarşısında davam etdirildi
Gənclərin Bayraq Günü münasibət ilə Abşeron rayonunda təşkil etdiyi flaşmob-u sakinlər böyük maraqla izlədilər
Abşeron Xəbər-ə müsahibə verən YAP Gənclər Birliyinin sədr müavini Çinarə Sadıqova qeyd etdi ki, Flaşmobun keçirilməsində əsas məqsəd bir daha dövlət bayrağına olan hörməti, sevgini nümayiş etdirmək və bütün dünyaya göstərmək olub.
Flaşmob aksiyası zamanı gənclər parkda olan sakinlərə 100-dən çox bayraq hədiyyə edib və insanları 9 noyabr - Bayraq Günü münasibətilə təbrik ediblər.
Sonda gənclər ulu öndər Heydər Əliyevin abidəsini ziyarət ediblər və aksiyaya yekun vurulub.
Baş redaktor: Şamo Əliyev