Noyabrın 11-də Xırdalan şəhəri Heydər Əliyev Mərkəzində Abşeron rayon Təhsil Şöbəsinin və Gənclər idman nazirliyinin birgə təşkilatçılığı ilə Gənclər idman nazirliyinin nəzdində “Bakı Avropa Oyunları 2015” Təşkilat Komitəsinin təşviqat qurpunun üzvləri ilə rayonun ümümtəhsil məktəblərinin idman müəllimləri və şagirdləri ilə görüş keçirildi
Tədbirin əsas məqsədi BAKI 2015 İlk Avropa Oyunlarının Abşeron rayonunda gənclər arasında tanıdılması,gənclərin marifləndirilməsi və bu səpkidə rayon ərazisində seminarların keçirilməsindən ibarətdir
Tədbirdə “Bakı-2015” ilk Avropa Oyunları barədə danışanlar qeyd etdilər ki, 17 gün ərzində davam edəcək mötəbər tədbirdə Avropadan olan 6 mindən çox idmançı 20 idman növündə sülh, ədalət, dostluq və birlik prinsipləri əsasında yarışacaq. Avropa Oyunlarına hazırlaşmaq üçün ildən bir biraz az vaxtın qalmasına baxmayaraq, Azərbaycan bu ilk Oyunları ən yüksək səviyyədə keçirmək əzmindədir.
Absheronxeber.az informasiyya portalına müsahibə verən Pərviz Əhmədov “Bakı-2015” birinci Avropa Oyunlarının Təşkilat Komitəsinin sədri, Azərbaycanın birinci xanımı, Heydər Əliyev Fondunun prezidenti Mehriban Əliyevanın rəhbərliyi ilə görülən işlərdən danışıb, oyunların keçirilməsi üçün tikilən yeni idman obyektləri barədə məlumat verib. “Orta yaşı 30,1 olan ölkə əhalisinin böyük hissəsini gənclər təşkil edir. Əhalinin 40 faizi 24 yaşın altındadır.Təkcə son 10 il ərzində ölkə ərazisində dünya standartlarına cavab verən 50-dən çox idman obyekti inşa edilib. Vətəndaşlarımız üçün tamamilə ödənişsiz olan bu infrastruktur əhalimizin idman obyektlərindən daha geniş istifadəsini təmin edir”.
Abşeron Xəbər-ə müsahibə verən Aslan Həziyev isə qeyd etdi ki, “Bakı 2015” Avropa Oyunları ümumilikdə 20 idman növü üzrə keçiriləcək. Bunlardan 16-sı Olimpiya, dördü qeyri-Olimpiya idman növüdür. Xatırladaq ki, birinci Avropa Oyunlarının Bakıda keçirilməsi haqqında qərar 2012-ci ilin dekabr ayında Avropa Olimpiya Komitəsinin (AOK) Baş Assambleyasında qəbul edilib. “Bakı 2015” Avropa Oyunları Əməliyyat Komitəsi AOK ilə əməkdaşlıq şəraitində Oyunları təşkil və idarə edəcək.
Qeyd edək ki, sonda tədbir iştirakçılarına “Bakı Avropa Oyunları 2015” Təşkilat Komitəsinin təşviqat qurpunun üzvləri tərəfindən hədiyələr təqdim olundu
Baş redaktor: Şamo Əliyev