Abşeron qəzetinin yeni sayı
«    Oktyabr 2019    »
BeÇaÇCaCŞB
 123456
78910111213
14151617181920
21222324252627
28293031 
7-10-2019, 10:25 Oxunub: 255

Abşeronda siyahıyaalmada son durum: 6 gündə 306 024 nəfər qeydiyyata alınıb

Abşeronda siyahıyaalmada son durum: 6 gündə 306 024 nəfər qeydiyyata alınıb


Prezident İlham Əliyevin “2019-cu ildə Azərbaycan Respublikasında əhalinin siyahıyaalınmasının keçirilməsi haqqında” 2016-cı il 7 sentyabr tarixli Fərmanına əsasən, oktyabrın 1-də startı verilən əhalinin növbəti siyahıyaalınması Abşeron rayonunda da uğurla davam etdirilir.

Artıq 7 gündür davam edən əhalinin siyahıyaalınması Abşeron rayonunun 1 şəhər, 8 qəsəbə və 7 kənd yaşayış məntəqəsində aparılır. Siyahıyaalmaya Ermənistanın işğalı nəticəsində öz doğma yurdundan didərgin düşərək rayon ərazisində məskunlaşmış məcburi köçkün soydaşlarımız da cəlb ediliblər.Siyahıyaalmaya cəlb edilən bütün işçilər təlimatlandırılıb, əhalini maarifləndirmək məqsədilə təşviqat işləri aparılıb, küçə və meydanlara baner və plakatlar quraşdırılıb, mətbuatda məqalə və materiallar dərc edilib.

Bu mühüm dövlət tədbirini yerinə yetirmək üçün rayonu üzrə 36 siyahıyaalma məntəqəsi yaradılıb. Bu məntəqələrdə 334 nəfər təlimatçı-nəzarətçi, 1704 nəfər sayıcı müəyyən olunub. Oktyabrın 1-dən başlayan əhalinin siyahıyaalınmasında rayon sakinləri fəal iştirak edirlər. Onlar sayıcıların təqdim etdikləri sorğu vərəqəsində 46 sual, siyahıyaalma vərəqəsində isə 6 sual olmaqla, ümumilikdə, 52 sualı cavablandıraraq vətəndaşlıq borclarını yerinə yetirirlər.

Dövlət Statistika Komitəsi tərəfindən hazırlanmış siyahıyaalma vərəqəsi bütün ev təsərrüfatları, sorğu vərəqəsi isə hər bir rayon sakini üçün doldurulur. Azərbaycan Respublikasında müəyyən edilmiş sosial-iqtisadi siyasət kursuna uyğun qərarların qəbulu üçün statistik məlumatlara olan tələbat nəzərə alınmaqla hazırlanmış siyahıyaalma vərəqəsi ölkə üzrə ev təsərrüfatlarının və ailələrin sayına, yaşayış binaları və evlərinə, yaşayış üçün istifadə edilən digər tikililərə dair ətraflı məlumat əldə olunmasına imkan verəcək. Sorğu vərəqəsində isə siyahıya alınacaq hər bir şəxsin cinsi, yaşı, doğulduğu yer, vətəndaşlığı, milli (etnik) mənsubiyyəti, ana dili və sərbəst danışdığı dillər, ailə vəziyyəti, siyahıyaalma anında olduğu yerdə daimi və ya müvəqqəti yaşaması, təhsil səviyyəsi, məşğulluq vəziyyəti, əlilliyi, əhalinin ölkədaxili yerdəyişməsinin və xarici miqrasiyanın səbəbləri və sair mühüm göstəricilər üzrə suallar öz əksini tapıb.

Qeyd edək ki, son 6 gündə ümüumilikdə rayon ərazisində əhalinin siyahıyaalınması zamanı 306 024 nəfər qeydiyyatdan keçib.

Şamo Əliyev
XƏBƏR LENTİ
Dünən, 12:08 | Abşeronun yeniyetmə cüdoçuları zona mərhələsinin qalibi adını qazanıblarDünən, 11:02 | Abşeronda sumo üzrə Azərbaycan çempionatı keçiriləcəkDünən, 10:57 | Abşeronda tayboks üzrə respublika turniri keçiriləcəkDünən, 10:54 | Abşeron rayonunda bir gündə 20 min ağac əkiləcəkDünən, 10:48 | Xırdalan musiqi məktəbi kollektivinin Gürcüstana növbəti səfəriDünən, 10:34 | Məmmədli kəndinə yeni elektrik xətti çəkilirDünən, 09:44 | Murad Dadaşov Qarabağ əlillərinə avtobus hədiyyə etdi — Canlı yayımda açıqlandı18-10-2019, 15:40 | İradə Gülməmmədova Xırdalan şəhər sakinlərilə görüşdü17-10-2019, 17:29 | YAP Abşeron rayon təşkilatında “Qarabağ Azərbaycandır və nida işarəsi” mövzusunda “dəyirmi masa” keçirilib17-10-2019, 17:11 | Mehdiabad sakinlərinə şad xəbər - vətəndaşların problemləri həllini tapıb17-10-2019, 14:12 | Abşeronlu Səkinə Qasımova Beynəlxalq Muğam Festivalının qalibi oldu16-10-2019, 15:08 | Abşeron Mədəniyyət Mərkəzində “Rəngsaz” tamaşası nümayiş etdirilib16-10-2019, 14:56 | “Diqqət uşaqlar!” hərəkətin təhlükəsizliyi aylığına yekun vurulub16-10-2019, 14:33 | Abşeron Rayon İcra Hakimiyyəti başçısı yanında İctimai Şuranın növbəti iclası keçirilib16-10-2019, 13:02 | Vüqar Babayevin qələbəsi Novxanıda böyük sevinclə qarşılanıb15-10-2019, 19:22 | Novxanı sakinlərinə şad xəbər - yeni kanalizasiya xətləri çəkilir15-10-2019, 17:22 | 59 nəfər ASAN könüllüsü Abşeron RİH-də təcrübə keçəcək15-10-2019, 16:54 | Abşeronda seçkilərin keçirilməsi ilə bağlı seminar-müşavirə keçirilib15-10-2019, 14:27 | Azərbaycanın inkişafında yeni mərhələnin başlandığı gün14-10-2019, 16:34 | Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğan ilə görüşüb14-10-2019, 14:37 | Digah məktəbinin kollektivi leykozdan əziyyət çəkən şagirdə baş çəkib14-10-2019, 12:12 | Suriyanın şimalında əməliyyatlar başlanandan öldürülən terrorçuların sayı 550-yə çatıb