3 Dekabr Beynəlxalq Əlillər
Günü münasibətilə Abşeron Rayon icra hakimiyyətinin
və Abşeron rayon əhalinin sosial müdafiə mərkəzinin təşkilatçılığı ilə Günay şadlıq
sarayında süfrə arxasında əlillərlə rayon ictimayyətinin görüşü keçirildi. Məclisi Abşeron rayon əhalinin
sosial müdafiə mərkəzinin şöbə müdürü Münəvər Cabbarova açaraq
iştirakçıları salamladı, "Əlillər günü”nün yaranma tarixindən danışaraq
iştirakçılara xoş ovqat arzuladı.
Rayon Əhalinin Sosial Müdafiə Mərkəzinin şöbə müdiri
M.Cabbarova çıxış edərək bildirdi ki, rayonumuzda 4300 əlil vardır ki, onlardan 1403 nəfəri ƏSMM tərəfindən
qeydiyyata alınmış,398 nəfərə çernobıl və qarabağ əlillərinə Abşeron rayon ƏSMM
–i tərəfindən Prezident təqaüdçüsü kimi təyinat aparılmışdır
Abşeron rayon ƏSMM tərəfindən 184 müharibə
əlillinin övladlarına təyinat aparılmış,onlara göstərilən xidmətin səviyyəsi barədə danışan
natiq əlillərə göstərilən qayğının günü-gündən artdığını və bu işlərə hörmətli Zakir
Fərəcov cənablarının xüsusi önəm
verdiyini vurğuladı.
Tədbirdə çıxış edən İstedadlı Əlillər ictimai
Birlitinin sədri Cavad Qasımov , Qarabağ Müharibəsi Əlilləri, Veteranları və
Şəhid Ailələri İctimai Birliyi rayon təşkilatının sədri Məhərrəm Şahsuvarov , şairə
Familə Fərmanlı, rayon yazıçılar birliyinin üzvü,şair,publisist Mütalib
Tahiroğlu çıxış edərək son illər rayonda xüsusi qayğıya ehtiyacı olan əlillərə
göstərilən qayğıdan, onların problemlərinin həll edilməsində dövlət
qurumlarının, ictimai təşkilatların fəaliyyətləri barədə məlumat verdilər və
onlara hər zaman dəstək olan rayon rəhbəri cənab Zakir Fərəcova minnətdarlıqlarını bildirdilər.
Rayon mədəniyyət evinin ansamblının müşayiəti səslənən
şən mahnılar dinləyicilərdə xoş əhval
ruhiyyə yaratdı.
Görüşdə Rayon İcra Hakimiyyəti Başçısı
Aparatının ictimai-siyasi və humanitar məsələlər şöbəsinin müdüri Fuad Cəbrayılov çıxış edərək bildirdi ki, BMT tərəfindən təsis olunan və
dekabrın 3-də bütün dünyada keçirilən Beynəlxalq Əlillər Günü ulu öndər Heydər
Əliyevin müvafiq sərəncamına əsasən 1994-cü ildən Azərbaycanda da hər il qeyd
edilir. Ölkəmizdə sosial qayğıya ehtiyacı olan bütün insanlar kimi, əlillər də
daim dövlətimizin diqqət və qayğısı ilə əhatə olunurlar, onların bütün
problemlərinin həlli üçün zəruri tədbirlər həyata keçirilir. Fuad Cəbrayılov möhtərəm Prezidentimiz cənab İlham Əliyevin
əlil vətəndaşlara göstərdiyi diqqət və qayğıdan, bu istiqamətdə Abşeron rayonunda həyata keçirilən işlərdən danışdı.
Tədbirin sonunda Rayon Əhalinin Sosial Müdafiə Mərkəzi tərəfindən əlillərə maddi yardımlar edildi.
Baş redaktor: Şamo Əliyev