Məlum olduğu kimi, dünən cənab Prezident İlham Əliyev Xırdalan şəhərində avtomobil yollarının əsaslı təmiri ilə bağlı tədbirlər haqqında sərəncam imzalayıb.
Sərəncamla Xırdalan şəhərində ümumi uzunluğu 5,1 kilometr olan avtomobil yollarının əsaslı təmiri məqsədilə Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Avtomobil Yolları Dövlət Agentliyinə 3,9 milyon (üç milyon doqquz yüz min) manat ayrılıb.
Prezident İlham Əliyevin bu sərəncamı bütün Xırdalan sakinlərini sevindirib. Minlərlə Xırdalanlı sosial şəbəkələr vasitəsi ilə öz təşəkkürlərini biliriblər. Onlaran bir neçəsini diqqətinizə çatdırırıq.
Xırdalan sakini, şəhər Ağsaqallar Şurasının sədri Şirinbala Xaliqov: “Böyük bir humanistlik nümayiş etdirərək 220 mindən çox sakinin məskunlaşdığı Xırdalan şəhərində avtomobil yollarının əsaslı təmiri ilə bağlı imzaladığı sərəncama görə cənab Prezident İlham Əliyevə təşəkkür edirəm".
İctimai fəal Vəfa Məmmədova isə yazıb: “Hörmətli cənab Prezident,
Xırdalan şəhərində yolların əsaslı təmiri məqsədilə verdiyiniz sərəncam bizi çox sevindirdi. Sizə çox minnətdarıq, çünki bu prospekt şəhərin əsas mərkəzi yoludur. Beləliklə də, ailələrimizin, uşaqların, qocaların, xəstə insanların narahatlığına son qoyulacaq. Xalqımız Sizin qayğınızı hər zaman hiss edir. Siz ölkəmizin hər bölgəsi kimi, Abşeron rayonuna da diqqət yetirirsiniz. Bu qayğınız bizi çox sevindirir. Sevinirik ki, ölkəmizin hər bölgəsi inkişaf edir. Biz Sizin siyasətinizi ürəkdən bəyənirik. Biz həmişə Sizinləyik. Çox sağ olun, cənab Prezident!”
Şəhər sakini Sevda Balayeva: “Əziz və hörmətli Prezidentimiz, şəhərimizin yollarının yenidən qurulmasına görə, bütün sakinlər adından Sizə dərin minnətdarlığımızı bildiririk. Bu yol bizim üçün önəmli olduğundan çox sevinirik. Allah da Sizi sevindirsin və bütün arzularınıza çatdırsın”.
Siyasətçi Niyaməddin Orduxanlı da Prezidentin sərəncamından yazıb: “Prezident İlham Əliyevin imzaladığı sərəncamın nə qədər böyük sevinc, müsbət aura yaratdığını görmək üçün sosial şəbəkələrə bir-iki dəqiqə nəzər salmaq kifayətdir”.
Xırdalan şəhər sakini Kamil Cəfərov: “Hörmətli cənab Prezident, Xırdalan şəhərinin yolarının əsaslı təmiri ilə bağlı Sərəncamınıza görə Sizə minnətdarlıq etməyi öz vətəndaşlıq borcum sayıram. Bu yol minlərlə ailəni narahat edirdi. Sizin humanist addımınızla problem həllini tapmış oldu, verdiyiniz humanist, sosialyönümlü qərarlar Sizin siyasətinizdə xalq və vətəndaş amilinin ən öndə dayandığını göstərir. Bu Sərəncam demək olar ki, hər bir Xırdalanlı ailəsinə sevinc bəxş etdi”.
