“Nazirlər Kabineti yanında Operativ Qərargahın verdiyi qərara əsasən bu gündən icazə sistemi ləğv edilib. Bununla bağlı bu gündən etibarən Bakı, Sumqayıt şəhərləri və Abşeron rayonunda quraşdırılmış xüsusi polis postları götürülüb”.
Bunu Daxili İşlər Nazirliyinin mətbuat xidmətinin rəisi, polis polkovniki Ehsan Zahidov deyib.
O bildirib ki, həmin postlar götürülsə də, polis əməkdaşları Daxili Qoşunların hərbi qulluqçuları ilə birlikdə xüsusi karantin rejiminə nəzarəti davam etdirirlər: "Polis və Daxili Qoşunların hərbi qulluqçuları parklarda, bulvarda vətəndaşlarımızın sosial məsafəyə riayət etmələrinə, tibbi maskalardan istifadə etmələrinə, faəliyyətinə icazə verilmiş obyektlərin müəyyən olunmuş qrafikə uyğun düzgün fəaliyyət göstərməsinə nəzarət edirlər. Bu işlər gücləndirilmiş variantda davam etdirilir”.