Narkotizmlə mübarizə uzunmüddətli, çoxşaxəli, geniş maliyyə vəsaiti tələb edən dinamik bir prosesdir. Problemin ictimai təhlükəliliyi isə ondan ibarətdir ki, bu cinayət həmişə gizli şəraitdə baş verir, nəzarətdən kənarda qalır və durmadan artır. Narkotizmin Azərbaycanda vəziyyəti və narkotik vəsitələrin ümumi çəkisi rəsmi qaydada aşkar edilmiş bu qəbildən olan cinayətlərdən və müsadirə edilmiş narkotiklərdən savayı, təqribi hesablamalara əsaslanır. Bu rəqəmlərin dolğun olması üçün ölkədə əvvəlcə narkomanların düzgün qeydiyyatına nail olunmalı, daha sonra isə real əməliyyat şəraitinə uyğun tədbirlər keçirilməlidir.
Gənc nəslin bu bəladan qorunması, onlarda maarifləndirmə işlərinin sürətləndirilməsi məqsədi ilə bugün Abşeron rayon Heydər Əliyev Mərkəzində tədbir keçirildi.Rayon İcra Hakimiyyəti və Azərbaycan Respublikası Narkomaniya və Narkotik vasitələrin Qanunsuz Dövriyyəsinə Qarşı Mübarizə Üzrə Dövlət Komisiyası İşçi qrupunun üzvləri ilə birgə təşkil olunmuş tədbirdə əsasən ümumtəhsil məktəblərinin 11-ci sinif şagirdləri, Ali məktəb tələbələri , gənclər iştirak edirdi.Tədbirə bu işlə mübarizədə səfərbər olan rayon Gənclər və İdman İdarəsi, Təhsil Şöbəsi, Həkimlər, kənd və qəsəbələr üzrə nümayəndəliklər dəvət olunmuşdur.
Tədbiri Rayon İcra Hakimiyyətinin birinci müavini xanım İradə Gülməmmədova açdı.O, narkomaniyanın nə qədər böyük bir bəla olduğundan, ailələrə gətirdiyi bəla və bədbəxtlikdən ürək ağrısı ilə danışdı.Tədbiri Rayon İcra Hakimiyyətinin işçisi Hafiz Mikayılov rayon üzrə məlumatları verərək davam etdirdi.Hafiz müəllim çıxışında 2014-cü il statistikasına uyğun olaraq Abşeronda Narkomaniya ilə əlaqədər qeydə alınan faktların 102 olduğunu , bunun 9 faktı satış, 1 faktı əkini digərləri isə istifadəçiləri oldüğünü qeyd etdi.O, həm də bildirdi ki, istifadəçilərin 42 nəfəri gənc, 4 nəfəri qadındır.
Daha sonra Azərbaycan Respublikası Narkomaniya və Narkotik vasitələrin Qanunsuz Dövriyyəsinə Qarşı Mübarizə Üzrə Dövlət Komisiyası İşçi qrupunun böyük referenti Rafiq Allahverdiyev çıxış etdi.Bildirdi ki, hal-hazırda respublika üzrə narkotik vasitələrdən istifadə edənlərin sayı 28 376 nəfərdir.Bu xəstəlikdən ölənlərin sayı digər xəstəliklərdən ölənlərin sayından çox olduğunu bildirdi.
Tədbirdə Rayon Təhsil şöbəsinin müdiri Nadir Ağayev, Rayon Prakurorunun müavini Nail Əliyev, Gənclər və İdman idarəsinin müdiri Əsgər Əmirəliyev çıxış etdilər.Çıxış edənlər gənclərə bu xəstəliyin bütün bəşəriyyətin bəlası olduğunu, bu səbəbdən onunla mübarizə çox vacib olduğunu izzah etdilər.Gənclərə cəmiyyəti bu bəladan qorumaq üçün ətraflarındakıları maarifləndirməyə səslədilər.
Sonra gənclərə maarifləndirici bukletlər paylandı.
Redaktor:Çinarə Sadıxova
