Bəşəriyyəti cənginə alan COVİD-19 virusunun zərərlərinin azaldılması, eyni zamanda dünyamıza öz tövhəsini verən Azərbaycan təcrübəsi hazırda bir çox ölkərlər tərəfindən nümunə kimi qəbul olunmaqdadır. Çüki pandemiya dövründə atılan addımlar özünün müsbət nəticələrini verməklə yanaşı, xalqın ümumi sağlamlığının qorunmasında, eyni zamanda ölkə iqtisadiyyatının inkişaf tempinin saxlanılmasında böyük əhəmiyyət daşıdı.
Azərbaycan Respublikasının Prezident İlham Əliyev iyunun 3-də Tərtər Olimpiya İdman Kompleksinin açılışı zamanı etdiyi çıxışında da bu məsləyə toxunaraq ölkəmizin qazandığı uğurlardan söz açıb: “30 ilə yaxındır ki, Azərbaycan müstəqillik əldə edib və bu dövr ərzində ölkəmiz kifayət qədər uğurlar qazanıb. Hamının qarşısında aciz qaldığı COVID-19 pandemiyasına qarşı mübarizədə Azərbaycan əhəmiyyətli töhfə verib. Multilateralizmin can verdiyi bir şəraitdə Azərbaycan çoxtərəfli diplomatiyanın vacibliyini və zəruriliyini uzunmüddətli müstəqillik tarixi olan dövlətlərə nümayiş etdirə bildi. Pandemiya dövründə belə Azərbaycanı ağ-qara ekrandan izləməyə vərdiş edən AŞPA və Qərbin bəzi dairələrinin bir daha qərəzinin canlı şahidi olduq”.
Pandemiya dövründə Azərbaycan Respublikasının Prezidenti İlham Əliyevin şəxsi təşəbbüsü ilə Türk Şurasının və Qoşulmama Hərəkatının fövqəladə zirvə görüşləri də ölkəmizin adına yazılan növbəti uğurlardandır. Öz nitqində bu görüşlərə də diqqət çəkən dövlət başçısı onların əhəmiyyətindən danışıb: “Azərbaycan Respublikasının Prezidentinin təşəbbüsü ilə aprelin 10-da Türk Şurasının və mayın 4-də Qoşulmama Hərəkatının fövqəladə zirvə görüşləri keçirilib. Qeyd olunmalıdır ki, Türk Şurası dünya miqyasında ilk beynəlxalq təşkilatdır ki, dövlət başçıları səviyyəsində COVID-19 pandemiyasına həsr olunan Zirvə görüşünü keçirib. Qoşulmama Hərəkatının zirvə görüşündə dünyanın dörd bir yanından 40-dan çox ölkənin dövlət və hökumət başçıları və xarici işlər nazirləri iştirk ediblər ki, bu da bir daha ölkəmizə və Prezidentimizə olan inamın, etibarın və etimadın göstəricisidir. Eyni zamanda, Azərbaycan pandemiya dövründə 30-dan çox beynəlxalq təşkilata və dövlətə maliyyə və humanitar yardım edib”.
Ölkəmiz öz müstəqilliyini bərpa etdikdən sonra Xəzər hövzəsindəki enerji resurslarının dünya bazarlarına çıxarılması, Avropanın enerji tələbatının qarşılanmasında mühüm yerə sahib olması, həyata keçirdiyi beynəlxalq infrastruktur layihələri olduqca əhəmiyyətlidir. Bütün bunların nəticəsidir ki, Azərbaycan dünyada artıq “orta miqyaslı” ölkə kimi tanınır. “Ərazisinin kiçik olmasına baxmayaraq, Azərbaycan apardığı uğurlu xarici siyasətlə, bəşəriyyətə sülh və davamlı inkişaf bəxş edən dəyərləri təbliğ etməklə beynəlxalq sistemin təhlükəsizliyi və sabitliyinə mühüm töhfə verir. Eyni zamanda, uğurlu regional enerji və infrastruktur layihələri ilə Azərbaycan regionun və Avropanın enerji təhlükəsizliyinə və davamlı inkişafına töhfə verir. Azərbaycan dəfələrlə Rusiya və NATO arasında dialoqun aparılmasında dəfələrlə vasitəçi kimi çıxış etmişdir. Bütün bunlar ölkəmizin nüfuzundan xəbər verir ki, bu da öz növbəsində azərbaycanafobiya qüvvələri narahat etməyə bilməz” – deyə dövlət başçısı nitqində qeyd edib.
