Nazirlər Kabineti yanında Operativ Qərargahın koronavirus infeksiyasının (COVİD-19) yayılmasının qarşısının alınması, əhalinin sağlamlığının və təhlükəsizliyinin təmin edilməsi məqsədilə qəbul etdiyi qərarlar, verdiyi tapşırıq və tövsiyələr Abşeron rayonunda aə ardıcıl yerinə yetirilir.Abşeron Rayon İcra Hakimiyyəti tərəfindən görülən qabaqlayıcı tədbirlər daha da gücləndirilir.
Rayon icra hakimiyyəti başçısı yanında yaradılmış Operativ Qərargahın üzvləri, rayonun hüquq-mühafizə orqanlarının əməkdaşlarının və könüllülərdən ibarət mobil qrupların birgə iştirakı ilə sentyabır ayının 3-də Digah qəsəbəsi və Məmmədli kəndi ərazisində ticarət, ictimai-iaşə, məişət və digər növ xidmət obyektlərində növbəti dəfə reydlər keçirilib.
Reydlər zamanı sahibkarlara, alıcılara və xidmətdən istifadə edən şəxslərə karantin rejiminin qaydaları, qida təhlükəsizliyi və sanitar-epidemioloji sahədə mövcud qanunvericilik izah edilib, icrası məcburi göstərişlər, maarifləndirici tövsiyələr verilib.
Görülən tədbirlərin əhalinin sağlamlığına və təhlükəsizliyinə xidmət etməsi sakinlər tərəfindən böyük razılıq və minnətdarlıqla qarşılanır.
