Abşeron Rayon İcra Hakimiyyətinin başçısı İradə Gülməmmədova II Qarabağ müharibəsində şəhid olan baş leytenant Vəliyev İlqar Cahid oğlunun evinə gedərək ailəsinə baş çəkib. Rayonun Masazır kəndində yerləşən evlərində şəhidin həyat yoldaşı Vəliyeva Təhminə Müslüm qızı və şəhidin övladları ilə görüşən başçı ailənin qayğıları və problemləri ilə maraqlanıb.
Bildirilib ki, ehtiyatda olan baş leytenant Vəliyev İlqar Cahid oğlu hər bir Azərbaycanlı kimi torpaqlarımızın erməni qəsbkarları tərəfindən iğşal edilməsi ilə heç bir zaman barışmayıb. Ona görə də II Qarabağ müharibəsi başlayan kimi silaha sarılaraq cəbhəyə yollanıb. 1973-cü il təvəllüdlü qəhrəmanımız Füzuli uğrunda gedən döyüşlərdə igidliklə döyüşərək şəhidlik zirvəsinə ucalıb.
Ailənin sosial vəziyyəti nəzərə alınaraq RİH tərəfindən maddi yardım göstərilib.
Allah rəhmət eləsin!