Yanvarın 8-də Abşeron rayonunda növbəti ağacəkmə aksiyası keçirilib. Rayon icra hakimiyyətinin təşəbbüsü ilə reallaşan aksiya Saray–Mehdiabad yolunun Novxanı kəndi ərazisinə düşən hissəsində, Duz gölünün ətrafında aparılıb.
Abşeron RİH-in əməkdaşlarının, Novxanı Bələdiyyəsinin üzvlərinin və habelə könüllülərin də iştirak etdiyi aksiyada ümumi sayı 100-ə yaxın olan, əsasən Eldar şamı, kiparis və digər həmişəyaşıl ağaclar əkilib. Ağaclara üzvi gübrə verilərək suvarılıb. Ərazi məişət tullantılarından təmizlənib.
Aksiya ölkədə tətbiq edilən xüsusi karantin qaydalarına uyğun təşkil olunub.