Abşeron Rayon İcra Hakimiyyətinin başçısı İradə Gülməmmədovanın tapşırıq və tövsiyələrinə uyğun olaraq rayon ərazisində yaşayan şəhid ailələrinə böyük diqqət və qayğı göstərilir, onların övladlarına fərdi yanaşılaraq istək və arzuları dinlənilir. Bununla bağlı RİH tərəfindən həyata keçirilən “Hərəyə bir şəhid övladı sevindirək” layihəsi uğurla davam etdirilir. 1 İyun - Uşaqların Beynəlxalq Müdafiə Günü” ilə əlaqədar şəhid Şirvanov Mehman Mirəziz oğlunun həyat yoldaşı Arzu Şirinova ilə əlaqə saxlanılıb, övladının istəkləri öyrənilib.
Qəhrəmanımızın qızı RİH tərəfindən bağçaya yerləşdirilib. Bundan başqa, şəhidin qızının elektriklə hərəkət edən avtomobil və musiqili mikrafon istədiyi məlum olub.
Abşeron Rayon Heydər Əliyev Mərkəzinin drektoru Tükəzban Həsənova və mərkəzin kollektivi tərəfindən elektrikli avtomobil və musiqili mikrafon ailəyə təqdim edilib və beləliklə də şəhid övladının arzusu yerinə yetirilib.
Şəhidin həyat yoldaşı Arzu Şirinova göstərilən diqqət və qayğıya görə təşəkkürünü bildirib. Layihənin böyük əhəmiyyət daşıdığını qeyd edərək digər insanların da bu ideyaya qoşulmasının vacibliyini vurğulayıb.
Qeyd edək ki, şəhid Şirvanov Mehman Mirəziz oğlu 1980-çı ildə Lənkəran şəhərinin Urge kəndində anadan olub. 1997-çi ildə doğulduğu kənddə tam orta məktəbini bitirib.1998-çi ildə Bakı Ali Hərbi Birləşmiş Komandirlər məktəbinə daxil olub. 2002-çi ildə Bakıda N saylı hərbi hissədə xidmətə başlayıb. Mehman Naxçıvan Muxtar Respublikasının müxtəlif hərbi hissələrində xidmətini davam etdirib. 2016-çı ildə Yevlax rayonundakı N saylı hərbi hissəsinə təyinat alıb. 2016-çı il aprel döyüşlərində fəal iştirak edib, Tapqaraqoyunluda döyüşüb. 2019-cu ildə Goranboy rayonunun Gülüstan postuna tabor komandiri vəzifəsinə təyin olunub. 2020-çi il sentyabrın 27-si Vətən müharibəsi başlayanda Murov yüksəkliyinin azadlığı uğrunda gedən döyüşlərdə böyük şücaət göstərərək qəhrəmancasina şəhid olub. Murov dağın ən yüksək zirvəsi olan Gülüstan zirvəsinin fəthi Mehman Şirvanovun adı ilə bağlıdı. Göstərdiyi qəhrəmanlığa görə ölümündən sonra cənab Ali Baş Komandan İlham Əliyev tərəfindən Qarabaq ordeni və Vətən uğrunda medalı ilə təltif olunub. 23 il xidmət etdiyi dövrdə 1-çi, 2-ci vbə 3-çü dərəcəli qüsursuz xidmət medalları və Azərbaycan Silahlı Qüvvələrinin 90, 95 və 100 illiyi medalları ilə təltif olunub və bir neçə dəfə hərbi komandanlıq tərəfindən Fəxri Fərmanlara layiq görülüb.
Allah rəhmət eləsin.