Basketbol
Xırdalan şəhər 2 saylı tam orta məktəbin futbol və basketbol komandası Quba rayonunda rayonlararası keçirilən zona birinciliyində iştirak etmişlər. 12.02.2015-ci il tarixdə keçirilən basketbol yarışındə Xırdalan şəhər 2 saylı tam orta məktəbin komandası Quba komandası ilə görüşdə 53-1 hesabı ilə qalib gəlmişlər. Güclü komandalardan biri hesab edilən Susmqayıt komandasını isə 68-9 hesabı ilə məğlub edərək finala yüksəlmişlər. Final görüşü yerli komandalardan Qusar rayonu komandası ilə görüşmüşlər. Bu qarşılaşmanı böyük hesabla başa vuran Xırdalan şəhər 2 saylı tam orta məktəbin komandası 1-ci yerə layiq görülmüşlər. Komandanın məşqçiləri məktəbin fiziki tərbiyyə müəllimləri Fubriçkova Marina və Qulaməliyev Ramil müəllim olmuşdur.
Futbol
Xırdalan şəhər 2 saylı tam orta məktəbin futbol komandası 13.02.2015-ci il tarixdə Quba rayonunda keçirilən zona birinciliyində iştirak etmişdir. Bu yarışda komanda bir neçə şəhərin futbol komandaları ilə qarşılaşmışdılar. Quba şəhərində keçirilən zona birinciliyində Xırdalan şəhər 2 saylı tam orta məktəbin komandası ilk olaraq yerli komandalardan biri olan Dəvəçi komandası ilə görüşmüş və 3-0 hesabı ilə qalib gəlmişdir.
Komandanın növbəti rəqibi Qusar komandası olmuşdur ki, bu komandaya da 3-1 hesabı ilə qalib gələn Xırdalan şəhər 2 saylı tam orta məktəbin komandası növbəti oyununu yerli komanda olan Quba şəhərinin komandası olmuşdur. Oyunun Quba şəhərində keçirilməsinə baxmayaraq Xırdalan şəhər 2 saylı tam orta məktəbin komandası Quba komandasını 4-1 heabı ilə məğlub etmişlər.
Növbəti qarşılaşma Sumqayıt şəhər komandası ilə olmuşdur. Bu dəfə görüş uğurlu olmamış və nəticədə komandamız 2-1 hesabı ilə məğlub olub zona birinciliyində 3-cü yerə layiq görülmüşdür.
Komandanın məşqçisi Məmmədov Elşən Zakir oğludur. Arzu edirik ki, Xırdalan şəhər 2 saylı tam orta məktəbin uğurları daha uca zirvələrdən gəlsin.
