Dil açanda ilk defa 'ana' söylerik biz
'Ana dili' adlanır bizim ilk dersliyimiz
İlk mahnımız laylanı anamız öz südüyle
İçirir ruhumuza bu dilde gile-gile.
Bu gün Beynəlxalq Ana Dili Günüdür. UNESCO-nun 1999-cu ilin noyabr ayında keçirilən Baş Konfransının 30-cu sessiyasında Banqladeş səfirinin təşəbbüsü ilə təsis edilib və 21 fevral 2000-ci ildən dil və mədəniyyət rəngarəngliyini qoruyub saxlamaq üçün qeyd edilir.
Bu münasibətlə fevralın 21-də Abşeron rayonun bütün məktəblərində və bağçalarında olduğu kimi Xırdalan şəhər 2 saylı tam orta məktəbdə tədbir keçirilib.
Xalqın taleyi, onun mənliyi, mənəviyyatı və mədəniyyəti olan dil cəmiyyətin təşəkkülü və inkişafı ilə birgə yaranır, tərəqqi edir.
Millətin dilinin dövlət statusuna yüksəldilməsi isə tarixi hadisə, milli dövlətçilik tarixinin qızıl səhifəsidir. Çünki dilin dövlət dili statusuna yüksəlməsi millətin öz taleyinə sahibliyinin, dövlət qurmaq və qorumaq qüdrətinin, eyni zamanda dilin zənginliyinin sübutudur.
Bu gün dilimizin mənəvi dirilik atributuna çevrilməsi yolunda böyük fədakarlıqlar göstərmiş, “Dilimiz çox zəngin və ahəngdar dildir, dərin tarixi köklərə malikdir. Şəxsən mən öz ana dilimi çox sevir və bu dildə danışmağımla fəxr edirəm” deyən ümummili lider Heydər Əliyevə minnətdar olmalıyıq.
Bu fikirləri Xırdalan şəhər 2 saylı məktəbin Direktoru Ədalət xanım 20 fevral 2015-ci il tarixdə məktəbin akt zalında Beynəlxalq Ana Dili Gününə həsr olunmuş tədbirdə səsləndirmişdir.
Tədbirdə sonra çıxış edənlər Abşeron rayon Təhsil şöbəsinin məsul şəxsləri Yavər Əhədov,Nisə Rzayeva, məktəbin ibtidai sinif müəllimləri Aygün Səmədova,Lalə Əliyeva,Arzu Əzimova və başqaları ölkəmizdə ana dilinin qorunub saxlanılmasında ümummilli lider Heydər Əliyevin xüsusi xidmətlərindən danışıblar. Qeyd olunub ki, 1978-ci il Konstitusiyasında Azərbaycan dilinin dövlət dili kimi qəbul edilməsi çox mühüm hadisə kimi tarixə düşüb. 2002-ci il sentyabrın 30-da “Azərbaycan Respublikasında Dövlət dili haqqında” Qanunun qəbul edilməsi ana dilimizin qorunması və inkişaf etdirilməsi istiqamətində daha bir mühüm addım olub.
Tədbirdə məktəbin III snif şagirdlərinin ifasında Azərbaycan dilinə həsr olunan şeirlər və mahnılar səsləndirilib.
Sonda “Beynəlxalq Ana Dili Günü” adlı videoçarx nümayiş etdirilib.