Abşeronda Bədən Tərbiyəsi və İdman Günü ilə əlaqədar idman yarışları keçirilib
Tarix:6-03-2015, 03:35
"Bədən tərbiyəsi və idman günü"nün təsis edilməsi haqqında
AZƏRBAYCAN RESPUBLİKASI PREZİDENTİNİN SƏRƏNCAMI
Xalqımızın sağlamlığının qorunması və möhkəmlənməsində, gənclərimizin fiziki inkişafında, ölkəmizin idman şərəfinin beynəlxalq aləmdə daha da uca zirvələrə qaldırılmasında bədən tərbiyəsinin əhəmiyyətini və rolunu nəzərə alaraq qərara alıram: hər il martın 5-i Azərbaycan Respublikasında "Bədən tərbiyəsi və idman günü" kimi qeyd olunsun.
İlham Əliyev, Azərbaycan Respublikasının Prezidenti
Bakı şəhəri, 4 mart 2005-ci il № 654
Respublikanın hər yerində olduğu kimi Abşeron rayonundada 5 mart bədən tərbiyəsi və İdman gününə həsr olunmuş idman yarışları kecirilir.Bele yarışlardan biridə "Abşeron rayonunda qızlardan ibarət voleybol və basketbol komandalarının rayon birinciliyi keçirilib.
Mart ayının 1-dən start götürmüş yarışda rayonun 16 məktəbindən olan basketbolcu və voleybolcu qızlarından ibarət komandaları birincilik uğrunda mubarizə aparırdılar. Yarışın nəticələrinə görə: Basketbol idman növü üzrə I yerə- Xırdalan 2 saylı tam orta məktəbin komandası, II yerə-Masazır 3 saylı tam orta məktəbinin komandası, III yerə-Xırdalan 9 saylı tam orta məktəbin komandası layiq görülmüşdür.
Voleybol idman növü üzrə isə I yerə- Aşşağı Güzdək məktəbinin komandası, II yerə-Xırdalan şəhər 3 saylı tam orta məktəbinin komandası, III yerə- Masazır 3 saylı tam orta məktəbin komandası layiq görülmüşdür
Qalib komandalar Abşeron rayon Gənclər və İdman İdarəsi tərəfindən Diplom və Medallarla mükafatlandırılmışdır.