Saray Qəsəbəsində Novruz bayramı qeyd olunub (Video)

Abşeron rayonu Saray bələdiyyəsinin təşkilatçılığı ilə “ Novruz “ bayramı münasibəti ilə bayram şənliyi keçirmişdir. Tədbir Novruz bayramının ənənəvi qəhrəmanları olan kosa və keçəlin müşayiəti ilə başlandı, bayram tonqalı yandırıldı. Sonra Saray şadlıq evində yerli əhalinin iştirakı ilə tədbir proqramı keçirildi. Konsertı giriş sözü ilə Bahar qız açaraq , Novruz ənələrindən danışdı. Təbrik üçün söz Abşeron rayonu icra hakimiyyətinin Saray qəsəbəsi üzrə nümayəndəsi Əli Axundov və Abşeron rayonu Saray qəsəbəsi bələdiyyəsinin sədri Vəsilə Əbilhəsənovaya verilmişdir. Onlar xalqımızı Novruz bayrami münasibəti ilə təbrik etmişlər. Daha sonra Azərbaycan respublikasının əməkdar artistlərindən Elariz Məmmədov, Zakir Əliyev, muğam ustası Ehtiram Hüseynov, gənc müğənnilərdən Samir Piriyev, Elnar Xəlilov və başqaları xalq və müasir mahnılarımızla iştirakçıları valeh etdilər , habelə tanınmış meyxana ustası Namik Məna və aşıq Mübariz, Şəhriyar Laçınlı sazda məharətlə ifa etdilər. Bayram konserti Saray 3 saylı orta məktəbin şagirdlərinin hazırladığı rəqs nömrəsi ilə başa çatdı.Konsertdən sonra qonaqlar bayram süfrəsi ətrafına yığışdı.

Bayram şənliyi ilə yanaşı Saray bələdiyyəsi 210 imkansız , şəhid, əlil , kimsəsiz ailələrə bayram sovqatı yollamışdır.