Abşeronda “Erkən nigah və narkomaniyaya qarşı mübarizə” mövzusunda tədbir kecirilib
Tarix:5-05-2015, 15:12
Aprelin 30-da Xırdalan şəhər 2 saylı tam orta məktəbin akt zalında Abşeron Rayon Polis İdarəsinin və Xırdalan şəhər 2 saylı tam orta məktəbin kollektivinin birgə təşkilatçılığı ilə “Erkən nigah və narkomaniyaya qarşı mübarizə” mövzusunda keçirilən tədbir dövlət himninin səsləndirilməsi ilə başladı.
Məktəbin müəllim və şagirdlərinin, Abşeron RPİ-nin əməkdaşlarının,mətbuat nümayəndələrinin , həmçinin valideynlərin iştirak etdikləri tədbirdə erkən nigahın yaratdığı problemlər, narkomaniya və psixotrop maddələrin fəsadlarından geniş bəhs edildi.
Xırdalan şəhər 2 saylı tam orta məktəbin direktoru Ədalət Camalova narkomaniya və erkən nikahın cəmiyyətin mənəvi və əxlaqi dəyərlərini sarsıdan, həmçinin insanların həyat və sağlamlığına ciddi təhlükə yaradan amil olduğunu bildirdi. Ədalət Camalova son illər ölkə miqyasında narkomaniya və erkən nigaha qarşı mübarizə tədbirlərinin geniş miqyas aldığını vurğuladı, bu istiqamətdə daha ciddi addımların atılması üçün gənclərin üzərinə böyük məsuliyyətin düşdüyünü qeyd etdi. O həmçinin vurğuladıki, direktoru olduğu məktəbdə bu cür halların baş verməməsi üçün onun təşkilatçılığı ilə mütamadi olaraq elmi-praktik konfranslar keçirilir
Abşeron rayon Polis İdarəsinin İctimai Təhlükəsizlik Şöbəsinin baş inspektoru polis mayoru Elburus Əhmədov bildirdi ki, erkən nikah və narkomaniyanın qarşısının alınması üçün dövlət orqanları, ictimai təşkilatlar, ictimaiyyət nümayəndələri, təhsil işçiləri və valideynlər birgə mübarizə aparmalı, bu mövzuda vaxtaşırı olaraq maarifləndirici tədbirlər keçirilməlidir.Narkomaniya və gənclərin erkən nigaha cəlb olunması ilə hər kəs mübarizə aparmalı, hüquq-mühafizə orqanlarının bu istiqamətdə həyata keçirtdikləri qabaqlayıcı tədbirlərdə yaxından iştirak etməlidir. Tədbir məktəblilərin ifasında təşkil olunmuş “Erkən nigah və narkomaniyaya yox deyək ” adlı bədii kompozisiya ilə davam etdirldi.
Sonda müzakirə edilən mövzularla bağlı iştirakçılara broşür, jurnal və kitabçalar paylandı.