Artıq ölkəmizin bölgələrində də voleybola gənclərin marağı sürətlə yüksəlməkdədir.Abşeron rayonunda məktəblilər arasında voleybol üzrə rayon birinciliyi keçirilib. Rayon təhsil şöbəsinin, gənclər və idman idarəsinin birgə təşkilatçılığı ilə baş tutan yarışlar 3 zonada və 4 qrupda keçirilib. Dairəvi sistem üzrə keçirilən birinciliyin final oyunları Xırdalan şəhərinin 3 saylı orta məktəbində keçirilib.
Final oyunlarında Aşağı Güzdək orta məktəbin komandası birinci, Xırdalan 3 saylı məktəbin idmançıları ikinci, Saray 3 saylı orta məktəbin komandası üçüncü yeri tutublar.
Qaliblərə rayon gənclər və idman idarəsinin fəxri fərmanları və qiymətli hədiyyələr təqdim edilib.
Şamo Əliyev
