Milli Olimpiya Komitəsində 2017-ci ilin idman yekunlarına həsr olunan mərasimdə Prezident İlham Əliyev 2017-ci ildə yüksək nailiyyətlər göstərmiş bir qrup idmançıya və idman mütəxəssisinə yeni mənzillərin orderlərini və pul mükafatını təqdim edib.
Ev alan idmançılar arasında Abşeron rayon sakini, “Uşu-sanda” döyüş növü üzrə 4 qat avrasiya, 3 qat avropa çempionu, islam həmrəylik oyunlarının bürünc və gümüş mükafatçısı, uşu-sanda idman növü üzrə gənclərdən ibarət yığma komandanın baş məşqçisi Elçin Eminovda var.
Tədbirdə, həmçinin Azərbaycan dövlətinin başçısı, Milli Olimpiya Komitəsinin prezidenti İlham Əliyev Abşeron sakini, Karete döyüş növü üzrə dəfələrlə dünya və avropa çempionu olmuş Asiya Məlikovaya pul mükafatı təqdim edib.
Şamo Əliyev