WBC üzrə dünya çempionu Vitali Kliçko titulundan imtina edib.
Kliçko özünü tamamilə Ukrayna siyasətinə həsr etmək istədiyini bildirib.
Ümumdünya Boks Şurası professional rinqdə çıxışı zamanı 45 qələbə əldə edib, cəmi iki döyüşdə məğlub olan Kliçkonun qərarını anlayışla qarşıladığını bildirib və bəyan edib ki, o, istənilən vaxt karyerasını davam etdirə bilər.
Ukraynada davam edən kütləvi etiraz aksiyalarında aparıcı rol oynayan Kliçko isə bildirib ki, məhz siyasətdə insanlara daha çox lazım olduğunu düşünür:
“WBC və onun prezidenti Xose Süleymana Ukraynanın azadlığı və demokratiyası naminə apardığımız mübarizəyə dəstəyinə görə təşəkkür etmək istəyirəm. Mənim üçün WBC üzrə dünya çempionluğu titulunu daşımaq mənim üçün şərəfdir. Mən tamamilə Ukraynada siyasi karyeranı hədəfləmişəm və hiss edirəm ki, məhz burada insanlara daha çox lazımam”.
Xatırladaq ki, Ukrayna parlamentində “UDAR” müxalif partiyasına sədrlik edən Kliçko hələ oktaybrda bəyan etmişdi ki, 2015-ci ildə Ukrayna prezident postuna keçiriləcək seçkilərdə iştirak edəcək.
Elməddin Əmirov
