Bu gün Ulu Öndər Heydər Əliyevin anadan olmasının 96-cı ildönümünə həsr olunmuş Qarabağ Əlil Döyüşçüləri Futbol Federasiyasının “Gəncə” - “Kəpəz” və “Qarabağ”-“Abşeron” komandaları arasında “Prezident kuboku” adlı yarış keçirilib
Abşeron Rayon İcra Hakimiyyəti başçısının müavini Fuad Cəbrayılovun, Qarabağ Əlil Döyüşçüləri Futbol Federasiyasının Prezidenti Rövşən Quliyevin və AFFA-nın əməkdaşlarının, Azərbaycan Respublikasının Milli qəhrəmanlarının, Qarabağ müharibəsi veteranlarının, KİV nümayəndələrinin və rayon ictimaiyyətinin iştirak etdikləri tədbirdə əvvəlcə xalqımızın ümummilli lideri Heydər Əliyevin və respublikamızın suverenliyi, ərazi bütövlüyü uğrunda şəhid olan Vətən övladlarımızın xatirələri bir dəqiqəlik sükutla yad edilib, Azərbaycanın Dövlət himni səsləndirilib.
Abşeron Olimpiya İdman Kompleksində baş tutan tədbirdə F. Cəbrayılov çıxış edərək bildirib ki, hər bir xalqın tarixində onun azadlığı, müsəqilliyi, inkişafı uğrundə misilsiz xidmətləri olan tarixi, bəşəri şəxsiyyətləri vardır. Onun sözlərinə görə, Azərbaycan xalqının ümummili lideri Heydər Əliyev də öz ömrünü vətəninin, xalqının gələcəyinə, onun suverenliyinə, dövlətçiliyinə həsr etmiş böyük şəxsiyyətdir: “Məhz Ulu Ödərin həyata keçirdiyi və bizə miras buraxdığı daxili və xarici siyasət nəticəsində Azərbaycan günü – gündən inkişaf edir, öz qapılarını qonşulara, dostlara açır. Heydər Əliyevin xarici siyasət fəlsəfəsinin əsas qayəsini təşkil edən qardaşlıq, dostluq, bərabər inkişaf və qarşılıqlı əlaqələrin baris nümunəsinə bu gün burada hamılıqla şahidi oluruq. İndi də bu siyasət cənab Pezident İlham Əliyev tərəfindən uğurla davam etdirilir.”
Azərbaycan torpaqlarının 20 faizinin erməni qəsibkarları tərəfindən işğal olunduğunu və müharibə nəticəsində bir çox soydaşımızın öz həyatlarını və sağlamlıqlarını itirdiklərini qeyd edən başçının müavini vurğulayıb ki, Azərbaycan höküməti hər zaman Qarabağ şəhidlərinin ailələrinə və qazilərə böyük diqqət və qayğı göstərmişdir: “Onların sosial problemlərinin həllinə çalışmış, sağlamlığını itirmiş müharibə əlillərinin cəmiyyətə inteqrasiyası istiqamətində əməli addımlar atmışdır. İnanıram ki, bu yarış da müharibə əlillərinin cəmiyyətdə rolunun daha da artmasına, onların asudə vaxtlarının səmərəli keçirməsinə, idmanla daha yaxından məşğul olmasına öz tövhəsini verəcəkdir. Qoy bu yarışda dostluq, qardaşlıq qalib gəlsin”.
Ölkəmizin ərazi bütövlüyünün müdafiəsi uğrunda döyüşlərdə fiziki sağlamlıqlarını itirmiş vətəndaşların sosial müdafiəsinin daim prezident İlham Əliyevin və AzərbaycanRespublikasının Birinci vitse-prezidenti Mehriban Əliyevanın diqqətində olduğunu vurğulayan Rövşən Quliyev idmançılara uğurlar arzulayıb. O, qeyd edib ki, Qarabağ Əlil Döyüşçüləri Futbol Federasiyasının yığma komandası “Avropa Amputant Futbol Federasiyası”nın təşkilatçılığı ilə keçiriləçək “Avropa 2020 ” yarışmasında iştirak edəcək.
R.Quliyev həmçinin komandanın yaranma tarixindən, fəaliyyətindən, qazandığı uğurlardan və ölkəmizdə bu idman növünə olan maraq və yaradılan şəraitdən də söz açıb . O, böyük inam hissi ilə qeyd edib ki, məhz Ali Baş Komandan cənab İlham Əliyevin rəhbərliyi ilə igid oğullarımızın hünəri sayəsində növbəti oyunlarımız tezliklə Şuşada, Xankəndində, işğal altında olan digər ərazilərdə baş tutacaq.
Sonra Qarabağ Əlil Döyüşçüləri Futbol Federasiyasının vitse prezidenti Elmar Huseynov hesabat xarakterli çıxış edərək 1 il ərzində əldə edilmiş nailiyyətlər və gələcəkdə görüləcək işlər barədə ərtaflı məlumat verib.
Daha sonra yarışa start verilib.
Komandalar hər biri 20 dəqiqədən ibarət iki hissədə mübarizə aparıb. “Qarabağ” və “Abşeron” komandaları arasında keçən final oyununda “Abşeron” komandası rəqib qapısı qarşısında dəfələrlə təhlükəli vəziyyətlər yaradıb. Görüş 2:1 hesabı ilə “Abşeron” komandasının xeyrinə yekunlaşıb.
Yarışın sonunda Təşkilat komutəsi tərəfindən qaliblər mükafatlandırılıb.
