Kyokuşinkay Karate federasiyasının Azərbaycan nümayəndəliyinin təşkilatçılığı ilə Abşeron Olimpiya İdman Kompleksində yeniyetmələr (kiçik, orta, böyük) gənclər, kişilər, qızlar və qadınlar arasında Kyokuşinkay Karate idman növü üzrə Beynəlxalq turnir keçirilib.Birləşmiş Ərəb Əmirliyi, Fransa ,Hindistan, Pakistan, İran və Türkiyədən olan 200-dən çox idmançının iştirak etdiyi turnirdə Abşeron RİH başçısının köməkçisi Fuad Xəlilov, Dünya Budo Döyüş Növləri Federasiyasının vitse-prezidenti Faiq Rəfiyev, Kyokuşin KWU təşkilatının nümayəndəsi Qələndər Aslanovda iştirkad ediblər
İdman tədbirinin açılış mərasimində əvvəlcə Azərbaycan Respublikasının dövlət himni səsləndirilib.
Yarışda Kyokuşinkay Karate federasiyasının Azərbaycan nümayəndəsi, Abşeron komandasının baş məşqçisi, II dan qara kəmər sahibi, Beynəlxalq yarışların qalibi Elşad Əliyev çıxış edərək , respublikada idmana göstərilən qayğıya görə ölkə başçısı İlham Əliyev cənablarına, Abşeron idmançılarına daim maddi və mənəvi dəstək olan rayon rəhbəri İradə Gülməmmədovaya və rayon Gənclər və İdman İdarəsinin rəsi Əsgər Əmirəliyeva dərin minnətdarlığını bildirib.
Fuad Xəlilov yarış iştirakçılarını və qonaqları rayon rəhbəri İradə Gülməmmədovanın adından salamlayıb, idmançılara uğurlar arzulayıb.
Yarışda qazanılan medalların sayına görə ölkəmizi təmsil edən “Abşeron” komandası bütün komandaları qabaqlayaraq birinci yerə layiq görülüb.
Sonda qaliblərə kubok, medal, diplom və qiymətli hədiyyələr təqdim olunub.
Şamo Əliyev
