14 oktyabr 2019-cu il tarixində Mərakeşdə veteran cüdoçular arasında keçirilən dünya çempionatında Abşeron rayon Novxanı kənd idman məktəbinin usta cüdoçusu Vüqar Babayevin möhtəşəm qələbəsi çempionun doğma yurdu Novxanı kəndində böyük sevinclə qarşılanıb.
Tədbir iştirakçıları əvvəlcə Novxanı kəndində Azərbaycanın qəhrəman oğlu Mehdi Hüseynzadənin şərəfinə ucaldılmış abidə önünə gül dəstələrə qoyublar .Daha sonra qaşılama mərasimində Vüqar Babayevin qələbəsi münasibəti ilə qurban kəsilib.
Toplantıda son illər ölkə başçısı İlham Əliyev tərəfindən Azərbaycanda, o cümlədən Abşeron rayonunda idmanın inkişafı, onun maddi-texniki bazasının möhkəmləndirilməsi istiqamətində görülən işlərdən, ölkəmizdə idmana göstərilən diqqət və qayğıdan danışan Abşeron Rayon Gənclər və İdman İdarəsinin rəisi Əsgər Əmirəliyev , usta cüdoçu Vüqar Babayevi qazanılan böyük uğur münasibətilə təbrik edərək ona yeni-yeni qələbə sevinci arzulayıb.
Yığıncaqda çıxış edən kənd sakinləri, gənc idmançılar, məşqçi müəllimlər, veteran idmançılar ölkədə idmanın inkişafına göstərilən diqqət və qayğıya görə ölkə prezidenti İlham Əliyev cənablarına öz dərin minnətdarlıqlarını bildiriblər.
Məlumat üçün bildirək ki, 14 oktyabr 2019-cu il tarixində Mərakeşdə veteran cüdoçular arasında keçirilən dünya çempionatında Abşeron rayon Novxanı kənd idman məktəbinin usta cüdoçusu Vüqar Babayev M-2 kateqoriyası üzrə 66 kq çəki dərəcəsində uğurla çıxış edərək dünya çempionatının gümüş medalına layiq görülüb.
Şamo Əliyev