Abşeron qəzetinin yeni sayı
«    Oktyabr 2018    »
BeÇaÇCaCŞB
1234567
891011121314
15161718192021
22232425262728
293031 
8-10-2018, 16:51 Oxunub: 202

Azərbaycanla Qazaxıstan birgə layihələri müvəffəqiyyətlə həyata keçirirlər

Azərbaycanla Qazaxıstan birgə layihələri müvəffəqiyyətlə həyata keçirirlər


Azərbaycan və Qazaxıstanı ortaq tarixi köklər və ortaq mədəniyyətlə bərabər, mehriban qonşuluq münasibətlərini daha da inkişaf etdirmək səyləri birləşdirir, qarşılıqlı ticari-iqtisadi əlaqələrin genişləndirilməsi istiqamətində ardıcıl addımlar atılır, ölkələr arasında birgə layihələr müvəffəqiyyətlə həyata keçirilir.

Ölkələrimiz arasında münasibətlər hər zaman strateji tərəfdaşlıq və müttəfiqlik xarakteri daşıyıb.

Bakının yaxınlığında Beynəlxalq Dəniz Ticarəti Limanının yaradılması, Bakı-Tbilisi-Qars dəmir yolunun istifadəyə verilməsi, həmçinin Aktau limanının yenidən qurulması və yeni Kurik limanının açılması ölkələrimiz arasında əmtəə dövriyyəsini əhəmiyyətli dərəcədə artırmağa imkan verir. Belə ki, cari ilin birinci yarısında Azərbaycanla Qazaxıstan arasında əmtəə dövriyyəsi 116,5 milyon dollar təşkil edib. Bu, keçənilki göstəricidən 42 milyon dollar çoxdur.

Qazaxıstanda həyata keçirilən dəmiryolu layihələri və limanların genişləndirilməsi istiqamətində görülən işlər nəqliyyat sahəsində əlaqələrin güclənməsinə təkan verməklə, hər iki ölkənin beynəlxalq nəqliyyat dəhlizi kimi əhəmiyyətini artıracaq.

Ölkələrimiz TRASEKA layihəsi çərçivəsində və Böyük İpək Yolunun bərpası layihələrində yaxından əməkdaşlıq edir. Hər iki ölkənin İpək Yolu üzərində yerləşməsi nəqliyyat sahəsində əməkdaşlıq imkanlarının zamanla genişlənməsi, ticari-iqtisadi əlaqələrin möhkəmlənməsi deməkdir.

Qazaxıstan Azərbaycan üzərindən keçən Şərq-Qərb nəqliyyat dəhlizinə böyük əhəmiyyət verir, bu marşrutun inkişafı üçün Qazaxıstanda bir sıra layihələr həyata keçirilir. 2020-ci ildə Şərq-Qərb istiqaməti üzrə daşınmaların 5 dəfə artacağı nəzərdə tutulur.

Xüsusən enerji sahəsində qarşılıqlı fayda əsasında sıx əməkdaşlıq iki ölkənin inkişafına, xalqlarımızın rifahının yüksəlişinə xidmət edir.

Ölkələrimiz beynəlxalq qurumlarda da səmərəli əməkdaşlıq edir, ortaq mövqedən çıxış edir. Bu gün Qazaxıstan və Azərbaycan digər türkdilli dövlətlərlə birgə Türkdilli Dövlətlərin Əməkdaşlıq Şurasında da mükəmməl platforma qurub. Qanunverici orqanlarımız da bu platformanın parlament assambleyasında səmərəli əməkdaşlıq edir. Bu platforma bütün dünyaya türk dünyasının birliyini və əzəmətini nümayiş etdirir.

Ötən il Qazaxıstan Prezidenti Nursulstan Nazabayevin “Heydər Əliyev” ordeni ilə təltif edilməsi isə ölkələrimizin və xalqlarımızın qardaşlığına yazılan növbəti əlamətdar hadisə kimi tarixə düşdü.

Ölkələrimiz nəqliyyat, enerji layihələri, iqtisadi inkişafla bağlı digər layihələr vasitəsilə regional əməkdaşlığı möhkəmlətmək üçün çox iş görür şirkətlərimiz arasında qarşılıqlı investisiyalar qoyulur. Azərbaycanlı sərmayədarlar Qazaxıstan bazarına maraq göstərir və bu ölkənin iqtisadiyyatına fəal sərmayə yatırırlar. Qazaxıstan azərbaycanlı investorlar üçün əlverişli bazardır. Coğrafi yaxınlıq, gündəlik bərə əlaqəsi, Qazaxıstan istiqamətində aqroreyslər, həm yükdaşımaları üçün, həm də turist və biznesmenlərin səfərləri üçün yaxşı logistika yaradır. Hazırda Qazaxıstanda Azərbaycan kapitalının iştirakı ilə fəaliyyət göstərən 700-dən çox şirkət qeydə alınıb.

Aktau dəniz limanı xüsusi iqtisadi zonasında Azərbaycan investisiyası ilə inşa edilən “Aktau istehsal və Loqistika Mərkəzi” ölkələrimiz arasında iqtisadi-ticari əlaqələrin artmasında əhəmiyyətli rol oynayır.

Bu gün iki ölkə Avrasiyanın mühüm nəqliyyat və logistika mərkəzlərindən birinə çevrilib və regionda vacib tranzit ölkələr rolunu oynayır. Bu ilin avqustun 12-də Qazaxıstanın Aktau şəhərində beş Xəzəryanı ölkənin dövlət başçılarının iştirakı ilə keçirilən V Zirvə toplantısında Xəzər dənizinin hüquqi statusu haqqında Konvensiyanın imzalanması Azərbaycan və Qazaxıstanın iqtisadi gücünü artıracaq.

Qarşılıqlı münasibətlərin müasir vəziyyətini və perspektivlərini qiymətləndirərək inamla demək olar ki, dövlətlərimiz arasında əlaqələr daha da genişlənəcək və möhkəmlənəcək.
XƏBƏR LENTİ
Dünən, 16:31 | İradə Gülməmmədova Aşağı Güzdək qəsəbəsində vətəndaşların səyyar qəbulunu keçirdibDünən, 15:58 | Azərbaycanın energetika naziri Çində bir sıra görüşlər keçiribDünən, 15:51 | Azərbaycan KİV nümayəndələri Gürcüstana səfər edibDünən, 15:47 | Azərbaycan sərhədçiləri Xəzərdə İran gəmisinin heyət üzvlərini xilas edib18-10-2018, 17:53 | “Qarabağ qaziləri” ambutant futbol federasiyasının “Abşeron” və “Xırdalan” komandaları arasında yoldaşlıq paraolimpiya yarışı keçirilib.18-10-2018, 17:29 | Abşeronda 18 Oktyabr - Dövlət Müstəqilliyi Günü münasibətilə konfrans keçirilib18-10-2018, 16:31 | Abşeronda Prezident İlham Əliyevin ölkə rəhbəri vəzifəsində fəaliyyətinin 15 ililliyinə həsr olunmuş dəyirmi masa keçirilib18-10-2018, 12:56 | Azərbaycan və AİB beşillik strateji tərəfdaşlığı müzakirə edəcək18-10-2018, 12:55 | Prezident İlham Əliyev: "İqtisadi sahədə İtaliya Azərbaycan üçün birinci ticarət tərəfdaşıdır"18-10-2018, 12:53 | Azərbaycanlı deputatlar Rusiya parlamentinə etiraz məktubu göndərdilər18-10-2018, 11:43 | Prezident İlham Əliyev İtaliya Senatı sədrinin başçılıq etdiyi nümayəndə heyətini qəbul edib18-10-2018, 11:37 | Android-li ən kiçik smartfon təqdim olundu18-10-2018, 11:36 | Türkmənistanın xarici işlər naziri Azərbaycana səfərə gəlib18-10-2018, 11:32 | SİM kartsız işləyən ilk smartfon təqdim olundu17-10-2018, 18:24 | Abşeronda 9 ayın yekunlarına həsr olunmuş hesabat yığıncağı keçirilib17-10-2018, 14:04 | Mehdiabad bağçasında Dövlət Müstəqilliyi Günü qeyd olunub17-10-2018, 13:43 | Xırdalanda Latviya Yerli İcra Orqanları İttifaqının nümayəndələri ilə görüş keçirilib17-10-2018, 12:31 | Azərbaycan QDİƏTPM-nin komitə iclasında17-10-2018, 12:28 | Körpə fidanlar 18 Oktyabr Müstəqillik Günü qeyd etdi17-10-2018, 12:21 | Milli Məclisin deputatları beynəlxalq tədbirlərdə iştirak edir17-10-2018, 10:48 | Arzu Rəhimov Xırdalanda vətəndaşların səyyar qəbulunu keçirib16-10-2018, 14:29 | Abşeron Təhsil Şöbəsində görüş keçirilib