“Azərbaycan Respublikası regionlarının 2019–2023-cü illərdə sosial-iqtisadi inkişafı Dövlət Proqramı”nın təsdiq edilməsi növbəti 4 ildə regionlarımın inkişafı ilə bağlı yeni mərhələnin başlanğıcından xəbər verir”.
İndiyədək regionlarla bağlı 3 dövlət proqramının reallaşdığını xatırladan millət vəkili söyləyib ki, görülən işlər regionlarda kommunal xidmətlərin və sosial infrastruktur təminatının keyfiyyətinin yüksəldilməsi, sahibkarlıq mühitinin daha da yaxşılaşdırılması, investisiya qoyuluşunun artması, yeni müəssisələrin və iş yerlərinin açılması, əhalinin məşğulluğunun artırılması, yoxsulluq səviyyəsinin isə azalmasına səbəb olub.
Onun sözlərinə görə, regionların inkişafı istiqamətində həyata keçirilən işlərə nəzər yetirdikdə çoxlu sayda uğurların əldə olunduğunu görmək mümkündür: “ Bu illər ərzində 2 milyon yeni iş yerlərinin açılması, onlardan 1.5 milyonunun daimi, 500 mininin isə müvəqqəti olması həyata keçirilən dövlət proqramlarında əsas məqsədin əhalinin sosial rifah halının yaxşılaşdırılmasının dayandığını göstərir”.
Deputat vurğulayıb ki, dövlət proqramında müəyyən edilmiş məqsədə nail olmaq üçün regionlarda infrastruktur təminatının yaxşılaşdırılması istiqamətində də mühüm addımlar atııb: “Bu müddət ərzində regionlara 15 min kilometr yolun çəkilməsi, 3200 məktəbin tikilməsi və ya yenidən qurulması, eləcə də xəstəxanalar, olimpiya komplekslərinin tikilməsi sosial problemlərin həllinə yönəlib”.
C. Osmanov qeyd edib ki, Azərbaycan Prezidenti tərəfindən təsdiq edilən yeni proqram da həm sosial problemlərin, həm də sənaye və iqtisadiyyatın inkişafında daha ciddi proqram kimi regionlara öz təsirini göstərəcək: “Yeni proqramda qeyri-neft sektorunun inkişafına daha çox diqqət yetirilib. Sənaye, aqro parklarının tikintisinin davamı, kənd təsərrüfatın ilə bağlı işlərin daha mütəşəkkil, müasir şəkildə davam etdiriləcək”.