“Prezident İlham Əliyevin problemli kreditlərin həlli ilə bağlı Fərmanı ölkədə bank sektorunun inkişafına çox müsbət təsir göstərəcək”.
Onun sözlərinə görə, artıq uzun müddət idi ki, cəmiyyət problemli kreditlərin həlli ilə əlaqədar hər hansı qərarın veriləcəyini gözləyirdi: “Problemin həlli olunmasında bank sektoru, maliyyə qurumları maraqlı olsa da, uzun müddət idi ki, onlar tərəfindən bu istiqamətdə heç bir təklif irəli sürülmədi. Ölkə başçısı bu məsələdə də öz iradəsini ortaya qoyaraq yaradılan komissiyanın nəticələrinə uyğun olaraq mühüm qərar verərək problemə köklü şəkildə son qoymuş oldu”.
Ölkə başçısının fərmanı ilə problemli kreditlərlə bağlı məsələnin həllinə dair mühüm mexanizmin ortaya qoyulduğunu deyən deputat söyləyib ki, bu mexanizmin düzgün yerinə yetirilməsi missiyası bankların üzərinə düşən vəzifədir: “Dövlət kiçik həcmli kreditlərə yardım edə bilər. Amma banklar böyük miqdarda pulu yüksək faizlə kredit verəndə düşünmürdü ki, həmin şəxslər onu necə qaytaracaq? Dünyanın heç bir ölkəsində belə faizlər yoxdur”.
R. Quliyev qeyd edib ki, dövlət tərəfindən ortaya qoyulan yeni mexanizm banklara problemi həll etmək imkanı yaradır: “Banklar məhkəmə proseslərini geri çəkməklə vətəndaşlara illik bir faizlik kredit təklif edəcəklər. Bunun üçün Mərkəzi Bank tərəfindən banklar üçün maliyyə də nəzərdə tutulub. Beləliklə 800 min vətəndaşın kredit problemi birdəfəlik həllini tapmış olacaq”.
İqtisadçı qeyd edib ki, problemli kreditlərlə əlaqədar məsələ demək olar ki, bütün post-sovet, eləcə də dünyanın digər ölkələrində mövcuddur: “ Ukraynada bu problem hələ də öz həllini tapmayıb”.
