Sıxılmış təbii qazla – STQ (compressed natural gas - CNG) işləyən nəqliyyat vasitələrinin ekoloji müayinəsinin nəticələri Azərbaycanda ilk dəfə təhlil edilib.
Azərbaycanda ilk dəfə sıxılmış təbii qazla işləyən nəqliyyat vasitələrinin ekoloji müayinəsi keçirilib. QSC-nin “CNG sınaq” layihəsi çərçivəsində CNG mühərrik yanacağına keçirilən benzin minik nəqliyyat vasitələrinin işlənmiş qazlarının tərkibi təhlil edilib. Ekoloji müayinə nəticəsində təsdiq olunub ki, CNG mühərrik yanacağının istifadəsi nəticəsində nəqliyyat vasitələrinin işlənmiş qazlarının tərkibində zəhərli maddələrin miqdarı əhəmiyyətli dərəcədə azalır. Belə ki, işlənmiş qazların tərkibində olan karbon dioksid 20-30 faiz, karbohidrogenlər 30-40 faiz, karbon monoksid 60-70 faiz, azot oksidləri 70-80 faiz daha az emissiya edilir, kükürd oksidləri isə ümumiyyətlə yaranmır.
CNG mühərrik yanacağı “Avro-6” ekoloji standartın tələblərinə tam uyğundur və hazırda geniş istifadədə olan mühərrik yanacaqları sırasında ən ekoloji, təmiz və təhlükəsiz yanacaq növüdür.