Abşeron rayonunun Msazır kəndinin 10-a yaxın küçəsinə asfalt qırıntısı və çınqıl tökülərək yayılıb. O cümlədən, kəndin M.Ə.Rəsulzadə küçəsində də rayonun daxili imkanları hesabına cari təmir işləri aparılıb. Bütün bunlarla yanaşı, kənd ərazisində bərk məişət tullantılarının gün ərzində iki dəfə yığılması, daşınması təşkil edilib.
“Eyni zamanda, kənd sakinlərini narahat edən problemlərin həlli üçün konkret işlər görməklə əhaliyə xidmətin səviyyəsini yüksəltmək Masazır bələdiyyəsinin qarşısında duran mühüm vəzifələrdən biridir”, - deyən R.Fətullayev vurğulayıb ki, Prezident İlham Əliyevin yanvarın 9-da “Abşeron rayonunun ərazisində avtomobil yollarının əsaslı təmiri ilə bağlı əlavə tədbirlər haqqında” imzaladığı Sərəncama əsasən, Masazır kəndinin Qaçaq Nəbi, Hacı Zeynalabdin Tağıyev, Faiq Həsənov, Nazim Əsədov, Akim Abbasov və Şıxəli Qurbanov küçələri Azərbaycan Avtomobil Yolları Dövlət Agentliyi tərəfindən əsaslı şəkildə yenidən qurulacaq.