“28 Mall” Ticarət və Əyləncə Mərkəzində “İstedadlı Əlillər” İctimai Birliyi tərəfindən növbəti satış sərgisi keçirilib. Sərgidə əsasən Abşeron rayonunda yaşayan müəlliflərin əsərləri təqdim olunub. Tədbirin əsas məqsədi fiziki məhdudiyyəti olan şəxslərə kömək göstərmək, parlaq gələcək qurmaqda onlara yardımçı olmaq, cəmiyyətin bu məsələyə diqqətini yönəltmək və vətəndaşları bu fəaliyyətə cəlb etməkdir.
Sərgidə istedadlı əlillərin rəssamlıq, keramika və tətbiqi sənət sahəsində əl işləri, o cümlədən suvenirlər, musiqi alətləri və bəzək əşyaları təqdim edilib. Əlilliyi olanların istedad və bacarığı satış sərgisinə gələnlər tərəfindən böyük maraqla qarşılanıb.