Bu gün Abşeron Rayon Mədəniyyət evində “Eşitmə və Nitq Məhdudiyyətli Şəxslərə Sosial Yardım” İctimai Birliyinin təşkil etdiyi “İslamdakı gözəllik, danışan əllərlə “ adlı elmi-proktiki konfransı keçirilmişdir. Konfransın məqsədi İslam dininin gözəlliklərindən bəhs edərək , bu dinə eşitmə və nitq məhdudiyyəti olan insanların gözü ilə yanaşmağı cəmiyyətə çatdırmaq idi.
Konfransı giriş sözü ilə açan “Eşitmə və Nitq Məhdudiyyətli Şəxslər”İctimai Birliyinin direktoru Cəmilə Abdulova çıxış edərək “bu cür seminarın eşitmə məhdudiyyətlilər üçün ilk olduğunu” vurğuladı. O, bu seminarın cəmiyyətdə olan eşitmə və nitq məhdudiyyətli gənclər üçün çox önəmli olmağından söhbət açaraq butün tədbir iştirakşılarına İB adından təşəkkürünü bildirdi. Daha sonra tədbiri “ENMŞ” İB-nin təlimçisi, eştmə məhdudiyyətli gənc Mahmud Səfərov və İctimai Birliyin müəlliməsi, tədbirin idea müəllifi Aidə Səfərova aparıcı-təlimçisi kimi bu cür mövzulardan kənarda qalan və lakin buna baxmayaraq İslam Dinin gözəlliklərini dərk edən eşitmə və nitq məhdudiyyəti insanlardan bəhs etdi. Tədbirdə dini mövzulardan danışılaraq, eşitmə məhdudiyyətlilər və islam dini haqqında kiçik video çarxlar nümayiş olundu. Tədbirdə əvvəldən sona qədər 30 a yaxın eşitmə və nitq məhdudiyyətli gənc üçün surdo-tərcuməni Yeganə Tağıyeva etdi.
Tədbirə qonaq qismində dəvət olunan İlahiyyatçılar, həkim-surdoloq, psixoloq, hüquqşünas və müəllimlər çıxış etdilər. Konfransda eşitmə və nitq məhdudiyyətli gənc Nərgiz Hümbətli eşitmə və nitq məhdudiyyətlilər adından və şəxsən öz adından çıxış edərək bu İctima Birliyin eşitmə və nitq məhdudiyyətli gənclər üçün çox önəmli olmağından söhbət açdı və bildirdi ki,” “ENMŞ”İB yaranandan mən yenidən doğuldum və mənimlə birgə neçə neçə gənc bu birliyi özümüzə doğma ev və Cəmilə xanımı isə özümüzə ana bilirik. Bu konfras isə bizə dinimizi daha dərindən tanımağa yardımçı və cəmiyyətimizə bizim kimi insanarında varlığını bir daha hiss etdirdi”
Tədbirdə bir çox QHT-lər, Abşeron Rayon İcra Hakimiyyəti, Ağsaqqallar şurası, Dini qurumlar nümayəndəliyi, Mədəniyyət şöbəsi, AZİMUT tədris mərkəzi, Abşeron informasiya agentliyinin və KİV nümayəndələri iştirak etdilər.