Azərbaycan Yazıçılar Birliyi Abşeron bölməsi və Abşeron Rayon Təhsil Şöbəsinin birgə layihəsi əsasında “Davam et” yarışmasına start verildi.
Yarışda rayonun 38 ümumtəhsil məktəbindən 114 şagird iştirak edirdi. Yarış 11-ci, 9-cu və 4-cü siniflər arasında keçirilirdi.
Artıq yarış başa çatdı.Finalçılar məlum oldu.Final yarışması RTŞ-nin akt zalında başladı.Finalda Xırdalan 1,2,3,4,5,6,8,10 saylı, Masazır 2,4 saylı, Saray 1,3 saylı, Qobu 3 saylı, Novxanı 2 saylı və Ceyranbatan 2 saylı məktəbin şagirdləri yarışırdılar.
RTŞ-nın müdiri Nazilə Məmmədova finalçıları salamlayaraq onlara uğurlar arzuladı.”Davam et” yarışmasının keçirilməsi şagirdlərin intellektual səviyyəsinin,nitq-danışıq qabiliyyətinin, təfəkkürünün inkişafında, yeni fikir,düşüncənin formalaşmasında böyük rolu olduğunu söylədi.
Finalçılar arasında maraqlı yarışma başladı. AYB Abşeron bölməsinin sədri Ş.Ağbuludun başladığı hekayəni məktəblilər özünəməxsus tərzdə davam etdirdilər.Hər kəs hekayəni başqa bir məcraya yönəltməyə can atırdı.
Münsiflər heyyətinin üzvləri Abşeron rayon İcra Hakimiyyətinin əməkdaşı Elnarə Umayeva, AYB Abşeron bölməsinin sədri Şəhla Ağbulud, RTŞ-nin metodisti İlahə Orucova iştirakçıların hər çıxışını 0-5 balla qiymətləndirdilər.
Final yarışması başa çatdı.
11-ci siniflər arasında Xırdalan şəhər 2 saylı məktəbin şagirdi Murad Əsədzadə və Saray 1 saylı məktəbin şagirdi Nicat İsmayılzadə.
9-cu siniflər arasında Xırdalan şəhər 5 saylı məktəbin şagirdi Selcan Abbaslı, Masazır 2 saylı məktəbin şagirdi Sərvinaz Hacızadə.
4-cü siniflər arasında Xırdalan şəhər 3 saylı məktəbin şagirdi Aişə Yusifli, Ceyranbatan 2 saylı məktəbin şagirdi Rüqəyya Əkbərova finalın qalibi olaraq 1-ci yerə layiq görüldülər.
Yarış zala toplaşan müəllim və valideynlər tərəfindən maraq və rəğbətlə qarşılandı.
