Bu gün 1 saylı körpələr-evi uşaq bağçasında uşaqların həm əylənməsi, həm də öyrənməsi üçün yol hərəkəti qaydalarının təbliğinə həsr edilmiş maarifləndirici məşğələ keçirilib.
Məşğələdə 20-dan çox uşaq, müəllim və valideynlər iştirak edib.
Bağçanın tərbiyəçisi Jalə Hacıyeva tərəfindən düzənlənmiş məşğələdə 2-3 yaşlı uşaqlar müxtəlif səhnəciklər, şeirlər, mahnılarla yol hərəkətinə aid biliklərini nümayiş etdiriblər. Körpə fidanlar zalda yol nişanları ilə düzəldilmiş “şəhər küçələrində” qaydalara əməl etməklə maşın, velosiped sürüblər. "Açıq məşğələ"də uşaqlara yol hərəkətinə aid suallar verilib.
Bağçanın müdirəsi Vüsalə Məşədiyeva bildirib ki, azyaşlı uşaqların yol hərəkəti qaydaları ilə bağlı bilikləri qısa müddətdə qavrayıb səhnəciklər göstərə bilməsi çox maraqlı və təəccüblüdür: "Biz bu "açıq məşğələ"yə qısa zaman ərzində hazırlaşdıq. Lakin gördüyünüz kimi, uşaqlar yaxşı hazırlaşıblar və həvəslə də öyrənirdilər".
Şamo Əliyev
