Abşeron qəzetinin yeni sayı
«    Dekabr 2018    »
BeÇaÇCaCŞB
 12
3456789
10111213141516
17181920212223
24252627282930
31 
16-04-2018, 10:09 Oxunub: 316

Çarli Çaplindan "bəxtəvər" adı almış azərbaycanlı.

Çarli Çaplindan "bəxtəvər" adı almış azərbaycanlı.


Bu gün Qəmbər Hüseynlinin anadan olmasından 102 il ötür

1916-cı il aprelin 16-da məşhur bəstəkar Qəmbər Muxtar oğlu Hüseynli (16.04.1916-01.08.1961) anadan olub.

O, dünyaca məşhur "Cücələrim" mahnısının (sözləri — Tofiq Mütəllibov), "Ay işığında", "Gecələr uzanaydı", "İlk məhəbbət", "Düşür yadıma" və s. populyar mahnıların müəllifidir.

Qəmbər Hüseynli 16 aprel 1916-cı ildə Gəncədə dəmirçi Məşədi Muxtarın ailəsində anadan olub. 1927-ci ildə orta məktəbdə oxuya-oxuya Gəncə orta ixtisas musiqi məktəbinin tar sinfinə qəbul olunur. 1929-cu ildə isə Gəncə pedaqoji texnikumuna daxil olur. Təhsil illərini sonralar Azərbaycanın böyük bəstəkarı olan Fikrət Əmirov və tarzən Zərif Qayıbovla birgə addımlayırdı.

1934-cü ildə texnikumun tar sinfini fərqlənmə diplomu ilə bitirən Qəmbər pedaqoji kollektivin qərarı ilə təhsilini davam etdirmək üçün Bakıya göndərilir. Ona Bakı Musiqi Texnikumunun violonçel sinfində təhsil almaq təklif olunanda tərəddüd etmədən razılıq verir. İki il müddətində tanınmış musiqi pedaqoqu A.S.Şvartsın violonçel sinfində təhsil alır. Qərb ölkələrində geniş yayılan bu aləti öz fitri istedadı ilə “özününküləşdirməyi” bacarır.

Lakin Qəmbərin musiqi bəstələməyə olan hədsiz marağı onu bir an belə, rahat buraxmır. Bu cəhət o dövrdə texnikumda çalışan görkəmli musiqi pedaqoqlarının da diqqətindən yayınmır. Qəmbəri orta ixtisas məktəbinin bəstəkarlıq şöbəsinə keçirirlər. O, burada Q.Z.Buruşteynin sinfində təhsilini davam etdirir. Çox keçmir ki, Qəmbərin bəstəkarlıq üçün çox zəruri olan qabiliyyətləri özünü göstərir. O, görkəmli dramaturq Cəfər Cabbarlının sözlərinə “Tellər oynadı” romans-mahnısını bəstələyir. 50 ildən çox bir müddətdə ağızlardan düşməyən bu gözəl vokal əsəri ilə gənc Qəmbər istedadlı bir bəstəkar olacağını təsdiqləyir.

1939-cu ildə Qəmbər Hüseynli milli musiqimizin beşiyi olan Şuşanın Musiqi Texnikumuna direktor vəzifəsinə göndərilir. O, burada cəmi bir il çalışsa da, əhəmiyyətli işlər görməyə müvəffəq olur.

Bir il sonra Qəmbər Hüseynlini yenidən Bakıya dəvət edirlər. O, filarmoniyanın nəzdində fəaliyyət göstərən Azərbaycan Xalq Çalğı Alətləri Orkestrində dirijor köməkçisi vəzifəsində çalışmaqla yanaşı, Üzeyir bəyin tövsiyəsi ilə həmin illərdə yaranan Sazçı Qızlar Ansamblının həm təşkilatçısı, həm də bədii rəhbəri işləyir.

Gənc bəstəkar 1951-ci ildə yenidən A.Zeynallı adına Bakı Orta İxtisas Musiqi məktəbinin bəstəkarlıq şöbəsinə daxil olaraq professor B.İ.Zeydmanın sinfində təhsilini davam etdirir. Üç ildən sonra tanınmış şair Mirmehdi Seyidzadənin librettosu əsasında diplom işi kimi “Qızıl quş” operasını yazaraq, 1954-cü ildə həmin məktəbi müvəffəqiyyətlə bitirir.

Görkəmli bəstəkarın yaradıcılığında mahnı və romans yaradıcılığı mühüm yer tutur. Unudulmaz sənətkarın romans lirikasının zirvəsi sayılan “Ay işığında”, “Gecələr uzanaydı”, “İlk məhəbbət”, “Düşür yadıma”, “Gülə-gülə”, “Sən-sən” və s. əsərlərindəki zərifliyə heyran qalmamaq mümkün deyil.

Ancaq bəstəkarın mahnı çələngində öz təravəti, xalq təranələri ilə könüllər oxşayan, bütün dünyanı diyar-diyar dolaşan bir sənət incisi də var — “Cücələrim”. Qəmbər Hüseynli deyəndə “Cücələrim”, “Cücələrim”in sədası yayılanda isə Qəmbər Hüseynli yada düşür. Şair Tofiq Mütəllibovla birgə hələ 1948-ci ildə bu gözəl sənət incisini yaratmaq böyük sənət uğuru idi.

“Cücələrim” o vaxtdan indiyə qədər dünyanın 100-dən çox xalqının dilinə tərcümə olunub. Dünyada “Cücələrim” qədər geniş yayılan, yüz milyonlarla uşaqların və böyüklərin — müxtəlif nəsillərdən olan adamların zövqünü oxşayan ikinci bir Azərbaycan mahnısı yoxdur. Sənətşünasların, sənət bilicilərinin yekdil rəyinə görə, indiyə kimi “Cücələrim” qədər öz müəllifini bütün dünyada tanıtdıran ikinci mahnı olmayıb. Bu mahnı sanki Azərbaycanın “vizit vərəqi”nə çevrilib. 1955-ci ilin payızında sovet nümayəndə heyəti İsveçrədə qarşılanarkən qonaqları bir qrup İsveçrə məktəblisi “Cücələrim” mahnısının ifası ilə salamlayır. Bu, Azərbaycan musiqisinin sərhədləri aşması demək idi.Vaxtilə kino xadimlərimiz Fransada olarkən dünya şöhrətli Çarli Çaplin gələnlərin Azərbaycandan olduqlarını biləndə piano arxasına keçərək “Cücələrim”i ifa edir və qonaqlara üz tutuaraq deyir: “Demək siz bu melodiyanın vətənindənsiniz?! Məndən o bəxtəvər bəstəkara salam yetirin!”

Keçmiş SSRİ-nin ən populyar cizgi filminin rejissoru Vyaçeslav Kotyonoçkin filmin 6-cı seriyasında "Cücələrim" mahnısını səsləndirib. Onun bu uğurlu tapıntısı filmi ölkəmizdə və kənarda daha çox sevdirib və hər bir azərbaycanlı üçün qürür mənbəyi olub.



XƏBƏR LENTİ
Bu gün, 16:04 | Azərbaycanla Rusiya arasında hərbi-texniki əməkdaşlığın perspektivləri müzakirə olunubBu gün, 14:48 | İlham Əliyev Rusiya Silahlı Qüvvələrinin Baş Qərargah rəisinin rəhbərlik etdiyi nümayəndə heyətini qəbul edibBu gün, 14:44 | İlham Əliyev ümummilli lider Heydər Əliyevin məzarını ziyarət edibBu gün, 13:19 | Abşeronda Ümummilli Lider Heydər Əliyevin anım günü qeyd edildi.Bu gün, 13:13 | Avstraliya qərar verdi - Milli Kosmik Agentliyini yaradırBu gün, 12:45 | Çavuşoğlu Azərbaycana səfər edəcəkBu gün, 11:21 | Azərbaycan xalqı ulu öndər Heydər Əliyevin xatirəsini ehtiramla yad edirBu gün, 11:11 | Hadı Rəcəbli: Ulu öndər Heydər Əliyev Azərbaycanın çətin dönəmində sosial müdafiə sahəsində çox uğurlu addımlar atdıBu gün, 11:06 | Nazir: Azərbaycan və Pakistan beynəlxalq və regional təşkilatlar çərçivəsində hər zaman bir-birinə dəstək göstəribDünən, 19:45 | Balaca vətənpərvərlər Ordumuzun 100 illiyini qeyd ediblərDünən, 17:41 | Xırdalanın Nizami küçəsində asfaltlanma işləri aparılır-FOTOLARDünən, 15:30 | Azərbaycanda ən qədim masaüstü oyunlardan biri aşkar olunubDünən, 15:27 | DOST Agentliyinin fəaliyyəti üçün əsas hüquqi platforma təmin edilibDünən, 15:21 | Abşeronun 2 komandası respublika çempionu olduDünən, 15:06 | Novxanı-Mehdiabad avtomobil yolunun kənarında 400 ağac əkilibDünən, 14:41 | Abşeron küçəsi əsaslı şəkildə yenidən qurulur (FOTO)Dünən, 14:14 | DSX-nin rəisi Elçin Quliyev iranlı həmkarı ilə görüşübDünən, 14:12 | Nazir: Azərbaycan və Türkiyə birgə kənd təsərrüfatı müəssisələri yarada bilərDünən, 14:11 | Qafqaz Müsəlmanları İdarəsində ulu öndər Heydər Əliyevin anım günü əlaqədar tədbir keçirilibDünən, 14:07 | Dmitri Kiselyov: Rusiya-Azərbaycan münasibətləri Qafqazda və daha geniş regionda sülh amilidirDünən, 12:01 | Azərbaycanın hüquqi və fiziki şəxslərinə qrant verə bilən qurumların sayı artıbDünən, 11:07 | Prezident İranın Sərhəd Qoşunları komandanını qəbul edib