Əvvəllər belə hesab olunurdu ki, C vitaminin profilaktik qəbulu soyuqdəymə xəstəliklərinin qarşısını alır. Hal hazırda bütün dünyada aparılmış yüzlərlə tədqiqatlar nəticəsində məlum oldu ki, C vitaminin profilaktik məqsədi ilə qəbulu soyuqdəymə xəstəliklərinin inkişafına mane olmur. Bu səbəbdən bu vitaminin profilaktik qəbulu mənasız və hətta zərərlidir.Hal hazırda həkimlər daha tez-tez etiraf edirlər ki, istənilən dərman (hətta vitamin və ya mikroelement) preparatının səbəbsiz olaraq qəbulu insanın sağlamlığına yalnız ziyan vura bilər.
Lakin əgər siz artıq soyuqdəymə xəstəliyinə tutulmusunuzsa, həkimlə məsləhətləşdikdən sonra C vitamini qəbul edə bilərsiniz. Araşdırmalar nəticəsində təsdiq olunub ki, bu vitaminin qəbulu sağalmanı sürətləndirir və həmçinin xəstəliyin simptomlarını azaldır.
