Abşeronda nərd yarışı keçirilib
Mayın 10-da ulu öndər Heydər Əliyevin doğum günündə Abşeron rayon İcra Hakimiyyətinin və Azərbaycan Dövlət İdarələri və İctimai Xidmət işçiləri Həmkarlar İttifaqı Abşeron rayon Komitəsinin birgə təşkilatçılığı ilə Xırdalan şəhərində yerləşən Heydər Əliyev Mərkəzində nərd üzrə rayon birinciliyi keçirilib.
Tədbirdə çıxış edən Azərbaycan Dövlət İdarələri və İctimai Xidmət işçiləri Həmkarlar İttifaqı Abşeron rayon Komitəsinin sədri Fuad Xəlilov xalqımızın Ümummilli lideri Heydər Əliyevin anadan olmasının 95-ci ildönümü ərəfəsində təşkil olunmuş yarışın əhəmiyyətindən danışıb və yarış iştirakçılarına uğurlar arzulayıb.
Bir neçə saat davam edən yarışın nəticəsi olaraq Abbas Əliyev birinci, Orxan Əhmədov ikinci və Rauf Quliyev üçüncü yeri tutublar.
Sonda qaliblərə pul mükafatları və qiymətli hədiyyələr təqdim olunub.