Bu dəfə balaca rəssamlar vətəni tərənnüm ediblər
Xırdalan şəhər 15 saylı körpələr evi-uşaq bağçasının tərbiyəçi müəlliməsi Yeganə Rzayevanın təşkilatçılığı ilə hazırlanan “ Mən vətənimi tərənnüm edirəm ” adlı rəsm sərgisinin iştirakçıları elə həmin bağçanın məktəbəhazırlıq qrupunun körpə fidanları olub.
Tədbirin rəsmi hissəsini bağçanın müdirəsi Mətanət Novruzova açaraq Ulu öndər Heydər Əliyevin davamçısı Prezident İlham Əliyev tərəfindən aparılan uğurlu siyasətdən, dövlətimizin artan gücündən, bölgələrin, o cümlədən Abşeronun inkişafından danışıb.
Sonra bağçanın körpə fidanları asfalt üzərində tabaşirlə təbiət və vətənpərvərlik mövzusunda rəsmlər çəkiblər.
Tədbirin bədii hissəsi 15 saylı körpələr evi uşaq bağçasında tərbiyə alan uşaqların çıxışları ilə davam etdirilib.
Tural Kazımlı