Bakı Ekspo Mərkəzində keçirilən “ADEX-2018” üçüncü Azərbaycan Beynəlxalq müdafiə sərgisində müasir silah və texnikanın, eləcə də milli müdafiə kompleksinin imkanları nümayiş olunur.
İştirakçılar və ziyarətçilər burada həm Azərbaycanın hərbi sənaye kompleksinin inkişafı ilə, həmdə müxtəlif yerli və xarici şirkətlərin hərbi və xüsusi təyinatlı texnikası, maddi-texniki təchizat vasitələri, yeni məhsulları ilə tanış olmaq imkanı əldə edirlər.
C.Nəcəfov bildirib ki, sərginin yaxşı təşkil olunmasını xüsusi qeyd etmək istəyirəm. Üç gün ərzində nümayiş etdirilən məmulatlara ziyarətçilər tərəfindən göstərilən böyük maraq sərginin əhəmiyyətini əks etdirdi. “ADEX” sərgisində həm hərbi, həm də ikili təyinatlı məhsullar təqdim edən müəssisə və təşkilatların sayının artması və nümayiş olunan eksponatların sayının çoxalması sevindiricidir.
Təmsil etdiyi qurum barədə məlumat verən direktor müavini qeyd edib ki, mərkəz əsasən silahlanma sistemlərinin təkmilləşdirilməsi və modelləşdirilməsi, hərbi elmi-tədqiqat işi, yeni silahlanma sistemlərinin inkişafı, qoşun və silahlanmada nəzarət sistemləri üçün texniki və proqram vasitələrinin təminatının hazırlanması ilə məşğuldur.
