Fiziki aktivlik insan sağlamlığında olduqca böyük rol oynayır, yaşlanmanı ləngidir, insanın həyatını uzadır.
Son elmi araşdırma fiziki aktivliyin növbəti faydasını aşkar edib.
Fiziki aktiv, idmanla məşğul olan valideynlərin uşaqları daha ağıllı olur. Bu həm ana, həm də ataya aiddir. Sübut olunub ki, fiziki aktiv valideynlərin uşaqlarında beyinin müxtəlif strukturları arasında olan əlaqələr daha yaxşı olur ki, bu da onlara təhsildə daha böyük nailiyyətləri qazanmağa kömək edir.
Mütəxəssislər qadınlara hamiləlik zamanı uyğun idman kompleksi seçməyi və hamiləliyin sonuna qədər idman məşğul olmağı tövsiyə edirlər.
Hamiləlik normal keçirsə, qadın fizki aktivlikdən qorxmamalı, əksinə mümkün qədər hərəkətli olmalıdır. Bu uşağın ana bətnində oksigenlə təmin edilməsini yaxşılaşdırır ki, bu da uşağın və xüsusilə onun beyinin inkişafı üçün çox vacibdir.
Həmçinin fiziki aktivlik doğuşu da asanlaşdırır, doğuş travmaların və ağırlaşmaların riskini azaldır.
