Yerkökü təzə və çiy halda kulinariyada istifadə olunur, şirəsi çəkilir, tərəvəz konservləri və karotin istehsalı üçün istifadə olunur. Bütün bağırsaq problemlərinə çarə hesab olunan kök ürəyi qorumaqdan cinsi gücü artırmağa qədər müalicəvi əhəmiyyəti ilə fərqlənir.
Vitamin və minerallarla zəngin olan yerkökü orqanizmin mineral maddələrə olan sutkalıq tələbatına yaxşı təsir göstərir. Bu baxımdan çoxları bu tərəvəzi təbii vitamin və qida maddələri içində qızıl mədəninə bənzədir. Bu bitki güclü təmizləyici təsirləri ilə qaraciyəri lazımsız maddələrdən təmizləyir. Onun tərkibində olan beta-karotin A vitamininə çevrilir ki, bu da intellektin yaxşılaşmasına, immun sisteminin möhkəmlənməsinə, sümüklərin və dişlərin güclənməsinə, tiroid vəzində ola biləcək problemlərin aradan qalxmasına və boy artımına kömək edir.
Yerkökünün tərkibində protein, şəkər, A vitamini, C vitamini, E vitamini, K vitamini, B6 vitamini, kalsium, dəmir, maqnezium, fosfor, kalium, natrium, omeqa 3 və omeqa 6 yağ turşuları vardır.
Yerkökünün aşağıdakı faydaları vardır:
1. Yerkökü qaraciyərin lazımsız maddələrdən təmizlənməsində böyük rol oynayır.
2. A vitamini ilə zəngin olan yerkökü orqanizmdəki hüceyrələrin yenilənməsinə kömək edir.
3. Yerkökü bağırsaq qurdlarını saldığı üçün uşaqlara mütəmadi şəkildə verilməlidir.
4. Bu tərəvəzin tərkibində olan vitamin və maddələr uşaqlarda boy artımına kömək edir.
5. Tez-tez yerkökü yeyən insanların immunitet sistemi güclü olur deyə onlar az xəstələnirlər.
6. Yerkökü dişlərin və sümüklərin güclənməsində faydalıdır.
7. Yerkökü qəbizliyi aradan qaldırır, bağırsağın fəaliyyətini yaxşılaşdırır.
8. Yerkökü xolesterolu azaldır, damarları gücləndirir, qan dövranının yaxşılaşmasına müsbət təsir göstərir.
9. Yerkökü zehni fəaliyyəti yaxşılaşdırır, yaddaşın güclənməsinə köməklik göstərir.
10. Yerkökünün tərkibində olan vitamin və minerallar görmə qabiliyyətinin yaxşılaşmasına müsbət təsir edir.
11. Yerkökündən kosmetik məhsulların hazırlanmasında geniş istifadə olunur. Çünki yerkökü dərinin cavan qalmasına köməklik göstərir.
12. Yerkökü suyu dəmir çatışmazlığından əziyyət çəkənlər üçün faydalıdır.
13. Yerkökü şirəsinin tərkibində fosfor olduğu üçün halsızlığın aradan qaldırılmasında, enerji yığmaqda çox faydalıdır.
14. Şəkər xəstəliyindən əziyyət çəkən insanlar da yerkökü şirəsindən faydalana bilərlər. Bu tərəvəz şəkərin normal səviyyədə qalmasına, stabilləşməsinə köməklik edir.
