İyunun 4-də Abşeron rayon Mədəniyyət Mərkəzində Qobu qəsəbə uşaq incəsənət məktəbinin 2015-2016-cı il dərs ilinin yekunlarına həsr edilmiş hesabat konserti keçirilib.
Tədbirdə rayon Mədəniyyət və Turizm şöbəsinin müdiri , əməkdar mədəniyyət işçisi İlham Manafov, Güləş Federasiyasının vitse-prezidenti Cavanşir Qurbanov ,rayonun uşaq musiqi və incəsənət məktəblərinin direktorları , ziyalıllar və rayon sakinləri iştirak ediblər.
Abşeron rayon Mədəniyyət və Turizm şöbəsinin təşkilatçılığı ilə keçirilən konsertdə məktəbin aşağı sinif şagirdlərindən ibarət xor kollektivi Emin Sabitoğlunun “ Bakı Sabahın xeyir ”, V.Şaitinskiy “Timsah Qenanın mahnısı”, Üzeyir Hacıbəyovun “ Ey Vətən ” mahnılarını ifa edib
Konsertdə musiqi məktəbinin şagirdləri müxtəlif alətlərdə - kamança, tar və nağarada Azərbaycan bəstəkarlarının məşhur əsərlərini, fortepiano və skripkada isə dünya bəstəkarlarının əsərlərini həvəslə ifa ediblər.Daha maraqlı və yaddaqalan nömrə isə məktəbin nağara snifinin ifası oldub. Oların çıxışları tamaşaçıların gurultulu və sürəkli alqışları ilə qarşılanıb
Geniş məruzə nitqi ilə çıxış edən İ.Manafov qeyd edib ki,3-il bundan öncə tikilib istifadəyə verilmiş Qobu qəsəbə uşaq incəsənət məktəbi müəllim və şagird kollektivində,öyrətmək və öyrənmək həvəsini birə beş artırıb.O, həmçinin rayonun kənd və qəsəbələrində faəliyyət göstərən uşaq incəsənət və musiqi məktəblərinə göstərilən diqqət və qayğıya görə Mədəniyyət və Turizim Nazirliyinə və Abşeron rayon icra hakimiyyətinin rəhbərliyinə təşəkkürünü bildrib.
Konsert haqqında öz təəssüratını tamaşaçılarla bölüşən C .Qurbanov proqramda Azərbaycan bəstəkarlarının əsərlərinə və muğamlara üstünlük verilməsini xüsusi qeyd edib.
Bütün konsert iştirakçılarına öz təşəkkürünü bildirən uşaq incəsənət məktəbinin direktoru Azər Bayramov təhsil ocağının son illər əldə etdiyi uğurlardan danışıb.
Sonda “ Abşeron rayonunun sosial-mədəni və ictimai həyatında səmərəli fəaliyyətinə görə “ Qobu uşaq incəsənət məktəbinin bir qrup müəllim və şagirdi rayon Mədəniyyət və Turizim şöbəsinin Fəxri Fərmanı ilə təltif olunub
Hesabat konserti maraqla qarşılanıb.