Gəncə şəhərində yerləşən “Gəncə Bulvarı” Parkında, açıq havada “İstedadlı Əlillər” ictimai birliyi fiziki məhdud istedadlı insanların əl işlərindən ibarət “Bacarıqlı əllər” adlı sərgisini təşkil edib.
Azərbaycan Respublikasının Prezidenti Yaninda Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilən “Fiziki məhdudiyyəti olan istedadlı şəxslərin yaradıcılıq imkanlarının inkişaf etdirilməsi və cəmiyyətə inteqrasiyası" adlı layhəsi çərçivəsində təşkil olunub.
Qeyd edək ki, “Bacarıqlı əllər” adlı sərgidə 8 müəllifin 250 ədəd əl işlərindən ibarət əsərlərin satış sərgisi təşkil olunub.
“İstedadlı Əlillər” ictimai birliyinin sədri Cavad Qasımov layihə haqqında geniş məlumat verərək qeyd edib ki, tədbirin keçirilməsində məqsədimiz fiziki məhdud istedadlı insanların fəaliyyətini ictimayyətə təqdim etmək, onların cəmiyyət tərəfindən tanınmasına şərait yaratmaq, gələcək fəaliyyətlərinə stimul vermək və istedadları sayəsində maddi rifah halının yaxşılaşmasında onlara dəstək olmaqdır. “Qeyd edim ki, bu günkü sərgiyyə çıxarılan əsərlər müəlliflərin özlərinin iştrakı ilə satışa çıxarılıb. Ümumiyyətlə regionlarda yaşayan fiziki imkanları məhdud istedadlı insanların fəaliyyətinin inkişaf etdirilməsinə Dövlətimiz həssaslıqla yanaşır və bu sahədə Dövlət proqramları bölgələrdə həyata keçirilir. Mən Gəncə ŞİHB-sı Elmar müəllimin bu sahədə gördüyü işləri xüsusi olaraq vurğulamaq istəyirəm. Bildiyiniz kimi Gəncə ŞİH mütamadi olaraq istedadlı insanlarımızın əl işlərinin sərgilərini təşkil edir və bu işdə maraqlı olan QHT-na hər cür şərait yaradılır. Fürsətdən istifadə edərək Gəncə ŞİHB-na və kollektivinə Birliyimiz adından təşəkkürümü bildirirəm”.
Tədbirdə çıxış edən Gəncə Dövlət Aqrar Universitetinin rektoru, AMEA-nın muxbir üzvü İbrahim Cəfərov vurğulayıb ki, “Belə sərgiləri Universitet daxilində də təşkil etmək çox gərəklidir. Bu sahədə marifləndirmə işlərini daha geniş apararaq gənclərimizi bu kimi tədbirlərə cəlb etməliyik”.
Tədbirdə Gəncə Şəhər İcra Hakimiyyətinin, Kəlbəcər Rayon İcra Hakimiyyətinin nümayəndələri və Qeyri-Hökumət Təşkilatlarının rəhbərlikləri və nümayəndələri, İctimayyətin nümayəndələri, Ziyalılar, Gəncə şəhərinin sakinləri və qonaqları iştrak edib. Tədbir Gəncə ŞİH-nin , “Məhsəti Muzeyi”-nin və “İstedadlı Əlillər” İctimai Birliyinin Gəncə Regional filialının təşkilatı dəstəyi ilə həyata keçirilib.
Tədbir çərçivəsində iştirakçılar “Fəxri Fərman” və “Diplom”larla təltif olunublar.
