Əməkdar artist Firuz Xudaverdiyev dünyasını dəyişib. Bu gün mərhumun 3 məclisi keçirildi.
F. Xudaverdiyev bədxassəli şişdən əziyyət çəkirdi. O, Rayon ictimayyətinin iştirakı ilə Abşeron rayonunun Qobu qəbiristanlığında dəfn olunub.
Qeyd edək ki, Firuz Xudaverdiyev 1939-cu ildə Bakının Qobu kəndində anadan olub. O, Akademik Milli Dram Teatrının truppasına 1976-cı ildə qəbul olunub və müxtəlif dərəcəli obrazlar yaradıb. Aktyor 2002-ci ildə Azərbaycan Respublikasının əməkdar artisti fəxri adına layiq görülüb.
F. Xudaverdiyev 20-dən artıq filmdə, o cümlədən, “Pəncərədə işıq”, “Biz qayıdacağıq”, “Günaydın mələyim” və s. ekran əsərlərində çəkilib.
Abşeron rayon icra hakimiyyəti başçısı adından mərhumun ailəsinə başsağlığı verərək dərin hüznlə Allahdan rəhmət diləyirik. Allah rəhmət etsin...
