Masazır qəsəbəsində rayonun uzunömürlü ağsaqallarından biri-Rasim Əhmədovun 70 illik yubileyi qeyd edilib.
Görüşdə Abşeron rayon İcra Hakimiyyəti başçısının Ərazi idarəetmə və yerli özünüidarəetmə orqanları ilə iş şöbəsinin müdiri Azər Məmmədov, Abşeron rayon İcra Hakimiyyəti başçısının köməkçisi Fuad Xəlilov, dövlət rəsmiləri, yubilyarın övladları və həmyaşıdları iştirak ediblər.
Tədbir iştirakçıları çıxış edərək qeyd ediblər ki, Abşeron rayonunda uzun ömürlü insanların sosial vəziyyətinin yaxşılaşdırılması dövlətimizin diqqət mərkəzindədir. Onlara müxtəlif sosial xidmətlər göstərilir, sağlamlıqları qayğısına qalınır, onların maddi və mənəvi tələbatlarının ödənilməsi istiqamətində ardıcıl tədbirlər həyata keçirilir. Mütəmadi olaraq onlara evlərində baş çəkilir, yaşayışı ilə maraqlanır, zəruri sosial problemləri yerindəcə həll olunur. Uzunömürlü insanların, o cümlədən Rasim Əhmədovun keçdiyi həyat yolu gənclərimiz üçün bir məktəbdir.
Uzunömürlülərə göstərilən diqqət və qayğını insan amilinə verilən böyük dəyər kimi qiymətləndirən R.Əhmədov, bu yüksək hörmət və ehtirama görə ölkə başçısına və rayon rəhbərinə minnətdarlığını bildirib.
Sonda rayon rəhbərinin hədiyyəsi olaraq yubilyara rayon icra hakimiyyətinin fəxri fərmanı və qiymətli hədiyyə təqdim edilib.
Şamo Əliyev
