Sadəlik, səmimilik, yüksək peşəkarlıq, hər tərəfli bilik, zəngin təcrübə və təşkilatçılıq qabiliyyəti... Bu nəcib keyfiyyətlər heçdə hamıya nəsib olmur. Bu keyfiyyətə malik olan insanları sözün həqiqi mənasında xoşbəxt adlandırmaq olar. Bu keyfiyyətlər bu gün 55 yaşını qeyd etdiyimiz Azərbaycan Respublikasının Əməkdar Mədəniyyət işçisi, Yeni Azərbaycan Partiyası Abşeron rayon təşkilatının sədr müavini, Sumqayıt Regional Mədəniyyət İdarəsinin Abşeron rayonu üzrə nümayəndəsi, baş məsləhətçi İlham Atabala oğlu Manafova aiddir.
55 illik ömür yolu.... Bu yolda çox çətinliklərə sinə gərib, O bu illər ərzində özünə başqalarında inam və rəğbət hissi yaradaraq öhdəsinə düşən məsuliyyətin böyüklüyünü dərk edərək tapşırılan hər bir işi şərəflə, vicdanla yerinə yetirib. Yubiliyar haqqında xoş sözlər söyləmək bir ənənədir. Ancaq bu xoş sözləri heç də ənənə xatirinə söyləmirik. Savadı, istedadı geniş dünya görüşü, insanpərvərliyi ilə özünə dərin hörmət və rəğbət qazandıran bir şəxsiyyətdir İlham müəllim.
O, yaşından, dünya görüşündən, milliyətindən, cəmiyyətdə tutduğu mövqeyindən asılı olmayaraq hər kəslə səmimi ünsiyyət qurmaq, insanlara sevgi və hörmətlə yanaşmaq bacarığına malikdir. Ona görədə onunla ünsiyyət quran, dostluq edən insanların sayı çoxdur. Səmimi olduğu qədər həssas və təmkinli insandır. Öz davranışları ilə ətrafdakılara hər zaman inam, qətiyyət, məhəbbət və hörmət hissləri aşılayır.
Dahilərdə birinin dediyi “Güclü insanlar həmişə sadədirlər” fikrini tam mənada İlham müəllimə şamil etmək olar. Məhz buna görədir ki, ona olan sevginin, hörmətin qayəsində tutduğu vəzifəsindən asılı olmayaraq alicənablığı, insanpərvərliyi və sadəliyi dayanır.
İlham Manafov 1963-cü il noyabr ayının 21-də Abşeron rayon Xırdalan şəhərində anadan olmuşdur. 1978-1982-ci ilərdə orta təhsili başa vurduqdan sonra Asəf Zeynallı adına Bakı musiqi Tenikumunda təhsil almışdır və 1982-1989-cu illərdə Ü.Hacıbəyov adına Azərbaycan Dövlət Konservatoriyasında təhsilini davam etdirərək oranı müvəffəqiyyətlə bitirmişdir.
Bir çox vəzifələrdə çalışmışdır. NQÇ-nin Mədəniyyət sarayında bədii rəhbər, Cənub Dövlət Layihə İnstitutunda klub müdiri, “Azərbaycan Estrada Teatrın” da direktor müavini və sərəncamçı direktor və 1993-cü ildə Abşeron rayon Mədəniyyət sarayında bədii rəhbər, 1994-cü ildən 2001-ci ilə kimi Xırdalan şəhər uşaq musiqi məktəbinin direktoru, 2001-ci ildən 2017-ci ilə kimi Abşeron rayon Mədəniyyət və Turizm şöbəsinin müdiri, 2017-ci ildən Sumqayıt Regional Mədəniyyət İdarəsində
Abşeron rayonu üzrə nümayəndə və baş məsləhətçi işləyir.
Ailəlidir. 3 övladı var.
Köksündə Azərbaycan sevgisi, mənsub olduğu millətə tükənməz məhəbbətlə dolu ürəklə çırpınan İlham Manafov inanırıq ki, daha neçə-neçə illəri arxada qoyacaq, üzərinə düşən hər bir işi sevgi ilə, şərəflə yerinə yetirəcək, Dövlətə və dövlətçiliyə daima sədaqətlə xidmət edəcək.
Biz də təbriklərə qoşularaq ömrünün bu kamillik zirvəsinə ucalan İlham Manafovu 55 illik yubileyi münasibətilə təbrik edir, ürək dolusu ailə sevinci, möhkəm can sağlığı, məsuliyyətli və şərəfli işində uğurlar arzulayırıq.
Yazar: Samirə Qafarova
