Abşeron rayonunun yaranmasının 55 illik yubileyi münasibəti ilə Xırdalan şəhər 2 nömrəli tam orta məktəbdə “Abşeron 55” adlı tədbir keçirilib. Əvvəlçə məktəbin həyətində 55 ağaç əkilib, sonra isə məktəbin foyesində rayonun görməli yerlərinin nümayiş olunduğu foto sərgiyə baxış keçirilib.
Abşeronun yaranmasından bəhs edən sənədli filmin nümayişdən sonra tədbirin aparıçısı rayonun yarnaması haqqında iştirakçılara məlumat verib. Məktəblilərin iştirakı ilə düzənlənmiş “Abşeron 55” fləşmobu da qonaqlar tərəfindən alqışlarla qarşılanıb.
Yubiley tədbirində yadda qalan məqamlardan biridə şagirdlərin Abşeron rayonunun görkəmli şəxsləri və tarixi abidələri haqqında iştirakçılara ətraflı məlumat vermələri olub.
Abşeron rayonunun yaranmasının 55 illik yubileyi münasibəti ilə qonaqları və məktəbin pedoqoji kollektivini təbrik edən məktəbin direktoru Ədalət Camalova son illər Abşeron rayonunda aparılan quruculuq abadlıq işlərindən danışıb.
Çıxışlardan sonra məktəbin şagirdlərinin ifasında bir neçə şeir və musiqi nömrələri səsləndirilib, rəqs nömrələri nümayiş etdirilib.