İtaliya-Azərbaycan Beynəlxalq Film Festivalı sona çatıb. Festivalın sonuncu günündə “The Bra” filmi nümayiş olunub. Nizami Kino Mərkəzində nümayiş olunan filmin rejissor və prodüseri Vait Helmerdir. Film Gürcüstan və Azərbaycanda lentə alınıb, Almaniyanın I kanalı ARD və Almaniya hökumətinin BKM Mədəniyyət Film Fondu tərəfindən sifariş edilib.
Səhnə əsərində Miki Manojloviç, Çulpan Xamatova, Paz Veqa, Denis Lavant, İsmayıl Quluzadə, Kazım Abdullayev, Günəş Mehdizadə, Xumar Səlimova, Mətanət Atakişiyeva, Sevinc Əliyeva və Xalq artisti Hacı İsmayılov rol alıblar.
Məlumat üçün bildirək ki, filmin direktoru Aysel Əmirova, operatoru Asif Şirəliyev, Elman Əliyev, kostyum dizayneri isə Mehriban Əfəndidir.
