Ölkəmizin Türkiyədəki səfirliyinin təşkilatçılığı ilə Ankarada “Azərbaycan mətbəxi həftəsi” keçirilir.
Həftənin açılış mərasimdə Türkiyənin nüfuzlu siyasi dairələrinin nümayəndələri, Ankarada akkreditasiya olunmuş diplomatik missiya rəhbərləri, kütləvi informasiya vasitələrinin təmsilçiləri iştirak ediblər.
Səfir Xəzər İbrahim Azərbaycan mətbəxinin dünyanın ən qədim, zəngin və ləziz mətbəxlərindən biri olduğunu vurğulayaraq həftə ərzində təqdim olunan yeməklərimizin maraqla qarşılanacağını deyib.
Sonra tədbir bədii hissə ilə davam etdirilib. Pianoçu Nailə Əhmədova tərəfindən Azərbaycan bəstəkarlarının mahnıları səslənədirilib. Pianoçunu skripkada Hüseynalı Hüseynalıyev müşayiət edib.