Abşeron rayonunun mədəni və ictimai həyatında baş verən yenilikləri daim ictimaiyyətə çatdıran , Azərbaycan mediasında öz dəst xətti və maraqlı xəbərləri, reportajları, layihələri ilə seçilən “Absheronxeber.az” xəbər portalımızın 1 yaşı tamam olur.
Tədbiri giriş sözü ilə açan Abşeron Rayon İcra Hakimiyyəti başçısının müavini İradə Gülməmmədova qeyd etdi ki,Ulu öndər Heydər Əliyevin müstəqil Azərbaycana rəhbərliyi illərində həyata keçirdiyi çoxşaxəli islahatların və onların son on ildə Prezident İlham Əliyev tərəfindən uğurla davam etdirilməsinin nəticəsi olaraq bu gün ölkəmizdə söz və mətbuat azadlığı sahəsindəki mövcud vəziyyət qabaqcıl demokratik ölkələrlə müqayisə edilə bilər.Natiq vurğuladı ki, bu gün mətbuata xüsusi dövlət qayğısı və diqqətinin mövcud olması, eyni zamanda, söz, fikir və özünüifadə azadlıqlarının ən yüksək səviyyədə təsbit edilməsi, mətbuatın maddi-texniki və maliyyə bazasının gücləndirilməsi, media institutunda təmsil olunan şəxslərin səmərəli fəaliyyəti üçün əlverişli şəraitin yaradılması və digər bu kimi amillər dövlətin bu sahəyə qayğısı kimi dəyərləndirilməlidir. Bütün bunlar jurnalistləri xalqımıza daha yaxşı xidmətə ruhlandırır.Bildirildi ki, xəbər portalı 2013-cu ildən fəaliyyət göstərir.Sayt Abşeronda baş verən hadisələr,quruculuq abadlıq,yeniliklər barədə oxucularına operativ məlumatlar verir, reportaj, araşdırma, müsahibə və digər janrlarda materiallar təqdim edir.
Rayonun hərtərəfli inkişaf prinsipinə sadiq olaraq Abşeron Rayon İcra Hakimiyyəti başçısı cənab Zakir Fərəcov nəinki quruculuq, abadlıq işlərində yeniliklərə imza atır eyni zamanda müasirləşən Abşeronun tanıdılması üçün müasir texnologiyadan istifadəni zəruri bilib, bugün sizlərə xidmət edən Absheronxeber.az informasiya portalının yaradılmasını vacib bilmişdir.Nəticədə Abşeron rayonu ilə bağlı bütün yeniliklər portalda öz əksini tapmışdır.Bugün artıq daimi oxucusu 11.768 nəfər olan bir portala çevrilmişdir.Bu da Abşeron Rayon İcra Hakimiyyəti başçısı cənab Zakir Fərəcovun Müasir Azərbaycanın bir qoluna çevirdiyi Abşeronun uğurudur.
Portalımızın baş redaktoru Şamo Əliyev bildirdi ki, bu 1 ildə rəhbərlik etdiyi portal yarandığı vaxtdan bu günədək oxucuların etibarını qazanmaq və dolğun məlumatlar çatdırmaq üçün fəaliyyət göstərir.Sayt altı bölmədən ibarətdir və burada Abşeron rayonunun yaranma tarixindən müasir dövrə kimi olan mühüm məlumatlar almaq olar. Xəbər portalı öz oxucularına bir neçə yeni layihələr təqdim etməyi planlaşdırır. Bundan əlavə müasir standartlara cavab verən yeni dizaynlı portalda həmçinin yerli və dünya xəbərləri ilə yanaşı, tanınmış müəlliflərin yazıları, jurnalist araşdırmaları, müsahibələr, ekspert rəyləri də dərc olunacaq.Gələcəkdə portalda müsabiqələr,layihələr,rubrikalar digər yeniliklər təqdim olunacaq.
Tədbirdə rayon İcra Hakimiyyəti başçısının digər müavinləri İctimai-siyasi və humanitar məsələlər şöbəsinin müdiri Fuad Cəbrayılov, Sosial-iqtisadi inkişafın təhlili və proqnozlaşdırılması şöbəsinin müdiri Faiq Kərimov, Aqrar məsələlər şöbəsinin müdiri Sərviz Süleymanov da iştirak edirdi.Çıxış edənlər xəbər portalına gələcək işlərində uğurlar arzuladılar.Sonda bir qrup KİV nümayəndələrinə səmərəli əməkdaşlığına görə rayon icra hakimiyyətinin fəxri fərmanları təqdim olunub.
Redaktor:Çinarə Sadıxova