Abşeron rayonunun Məmmədli kəndində faşizm üzərində qələbənin 74-cü il dönümü qeyd olunub. Tədbir Böyük vətən müharibəsində həlak olan kənd sakinlərinin abidəsi önündə keçirilib.
Mərasimdə kəndin bələdiyyə sədri, Böyük Vətən Müharibəsi iştirakçılarının yaxınları və kənd sakinləri iştirak ediblər.
Əvvəlcə Böyük vətən müharibəsində həlak olan kənd sakinlərinin abidəsi önünə gül dəstələri qoyub. Böyük Vətən Müharibəsində, eləcə də Azərbaycanın suverenliyi, istiqlaliyyəti, ərazi bütövlüyü uğrunda həlak olan həmvətənlərimizin əziz xatirəsi bir dəqiqəlik sükutla yad edilib.
Daha sonar Çıxış edənlər qeyd ediblər ki, Azərbaycan xalqı Böyük Vətən Müharibəsində həlak olanların xatirəsini daim əziz tutur, onları ehtiramla yad edir. Böyük Vətən Müharibəsi iştirakçıları, o cümlədən bütün veteranlar dövlətin diqqət və qayğısı ilə əhatə olunublar.